Mattayo 1 - Bibliyeeda Ghaydit

Rooproobanga jiilu Yesu Gristo

¹ Gitaabooda rooproobanga Yesu Gristo, orjeeda Dawdi, orjeeda Abrahamu.

² Abrahamu gwajiilu Isaka, Isaka gwajiilu Yakobo, Yakobo gwajiilu Yuda ea orjooga ghaamwat.

³ Yuda gwajiilu Beresi ea Sera nea ghaamwat ea Damari, Beresi gwajiilu Hesroni. Hesroni gwajiilu Aramu,

⁴ Aramu gwajiilu Aminadabu, Aminadabu gwajiilu Nashoni, Nashoni gwajiilu Salmoni,

⁵ Salmoni gwajiilu Boasi nea ghaamwat ea Rahabu, Boasi gwajiilu Obedi nea ghaamwat ea Ruti, Obedi gwajiilu Yese,

⁶ Nea Yese gwajiilu sugoocheanda was Dawdi. Dawdi gwajiilu Sulemani nea ghaamwat ea gatmooda Uriya gil,

⁷ Sulemani gwajiilu Rehoboamu, Rehoboamu gwajiilu Abiya, Abiya gwajiilu Asa,

⁸ Asa gwajiilu Yehoshafati, Yehoshafati gwajiilu Yoram, Yoram gwajiilu Usiya,

⁹ Usiya gwajiilu Yotam, Yotam gwajiilu Ahasi, Ahasi gwajiilu Hesekiya,

¹⁰ Hesekiya gwajiilu Manase, Manase gwajiilu Amoni, Amoni gwajiilu Yosiya,

¹¹ Yosiya gwajiilu Yekoniya ea orjooga ghaamwat, nih damanda ghayi abeeda siipaleaga buuneeda gaweay Babeli.

¹² Iing'ata giibaleakta buuneeda weay Babeli gwajiilu Yekoniya Shealtieli, Shealtieli gwajiilu Serubabeli,

¹³ Serubabeli gwajiilu Abihudi, Abihudi gwajiilu Eliyakimu, Eliyakimu gwajiilu Asori,

¹⁴ Asori gwajiilu Sadoki, Sadoki gwajiilu Akimu, Akimu gwajiilu Eliudi,

¹⁵ Eliudi gwajiilu Eliyasari, Eliyasari gwajiilu Matani, Matani gwajiilu Yakobo,

¹⁶ Yakobo gwajiilu Yosefu siyeeda Mariya was gheamata Yesuheeda siguura Gristo.

¹⁷ Asi jeacheenga sean ng'eada Abrahamu ea ghwahita Dawdi ea damanang'wan, ghang'eada Dawdi ea ghwahita giibaleaktida bea Babeliin jeacheenga ea damanang'wan, nea gidang'eada giibaleaktida bea Babeliin ea ghwahita Gristo jeacheenga ea damanang'wan.

Jeata siji Yesu Gristo

¹⁸ Jeata siji Yesu Gristo ghayi gwasunu. Mariyayda was ghaamwat damanda duu goonyeara Yosefu, damanda mii ghabeawa heedean geadaah nea gweayiideat aba uurda Guroorooda Ghaydit;

¹⁹ iidu Yosefuheeda was siyeadaanyi aba gideaba niny siida doabiwaat gil ea magassa gideaba gayghoabwaaspwaas hean gagasa gwanung'usa heeda nea ghoahuudaada.

²⁰ Iidu nea gudugooteemsheesa ng'asheanji ghwahidu headaanyi malaykajeanda Ng'utamiida aba jeeda giirgweatka ak gwayeesha, “Yosefu, orjeeda Dawdi, adibeali ea nung'waada gheenda Mariya ghoah gatmoadaang'u, aba gideaba gweayuumeani itaanyiin ghwanyas aba uurda Guroorooda Ghaydit.

²¹ Gaygwaji orjeeda ak gayguureewana gheawungaaschi Yesu, aba gideaba niny gaygwalealu buuneadaanyi aba jeeda riing'eega nyaawa.”

²² Ghoahiit ng'asheesu seaniin goomajeek ng'asheanda Ng'utamiida rukuna ghuuta sibaneeda nea gwayi:

²³ “Ng'ula gaygagweayiit huda miyeasat ak gaygwaji baleanda, ak gajeeguura gheawungaaschi Imanueli” (nea gideaba, ASEETA sindeayeewi).

²⁴ Iing'ata nea ghang'eada Yosefu ruweanga gwasinda baloolda girukusiinda malaykajeanda Ng'utamiida; ak ghwaat gatmoadaanyi,

²⁵ ea mawa heeda ea gwaji baleanda; ak gaguura gheawungaaschi Yesu.