MALAKI 4 - Bibliyeeda Ghaydit

Eaweeda NG'UTAMIIDA ghwahidu

¹ “Aba gideaba ng'ula, eaweedida gayghwahidu, nea ghwayeat gawuurji duwayda, nea fuga sean bea ghwarjeeda ea fuga sean sin ng'asheega munyas gayghoah mbarariida; nea eaweecheanji jea ghwahiduun gayghwalas uhuuda, gwarugu NG'UTAMIIDA bea lugweega, ak ea mayghwanung'wa heeda hawunyeanda ghana damealeanda.

² Nea agoogeeda awali gheawungeasu gaygoorearseegwa aseeta doobiiwnata, nea gwandeawa giiheapta aba meang'eagaaschi. Ak gajaweayeena nea gheadaanghandi muhooga seamooda.

³ Ak gajooleapsiina ng'eanyi fuga munyas, ak ghoah deareeda aba jeeda geeshangeagwa, aba eaweeda jea dagadiyeewa, gwarugu NG'UTAMIIDA bea lugweega.

⁴ “Apkaada deaweedeeda siideanyu bea gadiyeeda was Musa, digheanyeeka ea deaweedajeega ghayi earukusi niny aba Horebu aba badayda Israeleesean.

⁵ “Ng'ula, aniini gaydeajeagu Eliyaheeda was sibaneeda heeda mii ghwahina eaweeda haw muy bea NG'UTAMIIDA.

⁶ Ak gayghwayam gurooruunatka ghweaniga gagal diibiga nyaawa ak ghwayam gurooruunatka diibiga gagal ghweaniga nyaawa, gajiidu ghaahidu ak ghaalaschi ng'eanyiida aba mooshteayda.”