ISAYA 4 - Bibliyeeda Ghaydit

¹ Ak eaweedida gayghoang'waay gadeem ispwa ng'eedeanagi ak gwayeesha, “Gajeayaaga hamiteanya ak geekwealsheesi geat, ak eaniyean ginung' eeguushteawaneasa gheawungaagu geandeawaneasa baspaseegaasa.”

Yerusalemu gajeadeas

² Abeeda eaweedida gayghwanung' NG'UTAMIIDA ghaftu geediga miyaasiin nea ghaambiidaat. Ak haghweega geediga ng'eanyiida gajea miyaasiin muuchi, nea gaba leanga aba fugiga bea Israeli ghuhiin.

³ Nea dea boos aba Sayuni ea dea sinung'wa Yerusalemu gajeeguura Deaghaydit, nea gilinyoo eang'oar gil duu gwanda aba Yerusalemu.

⁴ Damanda jea goohuuna NG'UTAMIIDA ririnnyeanda haweega Sayuni, nea goohuun foojeanda Yerusalemu mida bugustaanyi aba guroorooda girgweaksiinda ea guroorooda ghaghwarda.

⁵ Nea aba heeda was giibinda sean bea giijeeda Sayuni, ea badayda fugaaschi bwatgeat, gaygwasin NG'UTAMIIDA shamooghooda ea aroosta damandeaba askweari, ea ng'ushapkeaka beasta damandeaba eawa; aba gideaba badayda giigheambiitaanyi sean gajeedukuta ak ghoahaaghwa.

⁶ Nea giigheambiitaanyi aba heedeanyu gaygawuurji jirooneeda sidukuta aba maheemajeanda askweari, ak ghoah heeda jea eediinya damanda mideewa shaarara ea roopta.