ISAYA 39 - Bibliyeeda Ghaydit

Fuga siicheagu leabu Babeli

¹ Aba damandida nea ghwanyas iita Merodak-baladani was orjeeda Baladani was sugoocheanda Babeli gideaba Hesekiya nimnyaan ak ghamneawa ea nihaap. Hean goojeakta buuneeda gweasa Hesekiya barawajeanda ea haleanjeeda guskuseega.

² Hean ghwanung' Hesekiya ghapka fugiga siicheaguun ghoah, ak goohiimsa gheeda siitiiwiisa haleanjeadaanyi sean, ea lapiya, ea dahaabu siguura dahaabu, ea geediga ng'andidi, ea nagheega hees sheaya, ea gheeda mida dabita ng'ucheeda. Ea haleanjeeda sean mida jeeda gealga siitiiwiisa haleanjeeda. Ak Hesekiya ea manda gidamiighoahiimda aba jeedeaba gheanyi, ea sugoocheanduumeadaanyi sean.

³ Hean ng'ata gawa Isaya was sibaneeda heeda Hesekiya was sugoocheanda ak gwayeesha, “Fiisu gwayeenaan? Nea gwaleabu yeenu?” Ghwalamda Hesekiya ak gwayeesha, “Gwaleabu daroorda sheagi, ak ghapka heedeanyu nea gwaleabu Babeli.”

⁴ Ak gwayeesha, “Nidaah naaha aba jeedeaba gheang'u?” Ghwasha Hesekiya ak gwayeesha, “Nidaah haleanjeeda sean mida jeedeaba gheenyu, manda gida mii deahiimsa saawa aba jeesinga gealgeasu eadiiwiisi haleanjeeda.”

⁵ Hean ghwalamda Isaya ak gwayeesha Hesekiya, “Asi iinya ng'asheanda NG'UTAMIIDA bea lugweega:

⁶ Asi ng'ula haleanjeeni seaniin mida jeedeaba gheang'uun ea gea ghayi adiiw ghweanigaagu ea ghoah ghamneawa, gayghwahidu damanda jea eayaat Babeli, manda dea jea ghoabit gwarugu NG'UTAMIIDA.

⁷ Ak orjoagaagu mwaatkwa ijiilsigeaw, gajeayaat ak gayghoah gulanga aba gheeda sugoocheanda Babeli.”

⁸ Hean ghwalamda Hesekiya ak gwayeesha Isaya, “Ng'asheanda NG'UTAMIIDA ibalooli ghwahit.” Aba gideaba ghaaghanyi gideaba “Gaygwanda hoyyoo ea huumeanda aba jeeda eawoojigeasu.”