IITOODA 33 - Bibliyeeda Ghaydit

Beata sibeawa Misri ea eahita Moabu

¹ Suh wuseanyeeka fuga Israeli, damanda riteawa ng'eanyiida Misri aba eemoojiga nyaawa nea ghoadoabiiw Musa sea Haruni.

² Hean ghang'oar Musa gidariteayda aba wuseanyeeka nyaawa, aba diigheanda NG'UTAMIIDA; ak suh ea wuseanyeeka nyaawa aba iyang'eat ghuuta ng'eayda.

³ Muchu ghoang'eada beata Ramesesi sheeda madeeda, eaweeteaba damanamuut bea sheeda madeeda; eaweeteaba iyeenya iing'ata Basaaka, gwarita gaweay fuga Israeli aba geatinda mideawa uurda aba madeeda gheanyanga fuga sean bea Misri,

⁴ damanda bunya fuga Misri duweachajeega nyaawa sean, damanda bwara NG'UTAMIIDA aba jeenyaawa; ak ghoahiimda gideaba gwandeawa uurda ng'al dea aseecheeka nyaawa; eara ada ghoahiimu NG'UTAMIIDA girgweaksiinda.

⁵ Hean ghabeawa fuga Israeli ng'eanyiida Ramesesi, ak gooduuw aba Sukoti.

⁶ Muchu ghabeawa Sukoti, ak gooduuw aba Etamu, mida ghuuta dareapcheeda.

⁷ Ak ghabeawa Etamu, ak gabiikta ghwayam geat gabiikta ea ghwahita Bi-hahiroti deaschi sea Baal-sefoni; ak gooduuw aba madeeda Migdoli.

⁸ Ghabeawa madeeda Hahiroti, ak ghwalach bugusta basooda ak gaweay jeeda dareapcheeda; ak gaweay beata askwearjooji samwagu aba dareapcheeda Etamu, ak gooduuw aba Meara.

⁹ Muchu ghabeawa Meara, ak ghwahita Elimu; hoowa bea Elimuun gwanda gheanyan damaniyeenya bea eeniga, ea miilay laadam ea damanamughuush; ak gooduuwsa hiji.

¹⁰ Ak ghabeawa Elimu ak gooduuw aba riiksiinda basooda Shaamu.

¹¹ Muchu ghabeawa basooda Shaamu, ak gooduuw aba dareapcheeda Sini.

¹² Muchu ghabeawa dareapcheeda Sini, ak gooduuw aba Dofka.

¹³ Ghabeawa Dofka, ak gooduuw aba Alushi.

¹⁴ Ghabeawa Alushi, ak gooduuw aba Refidimu, was heeda manda beega jea ghwali buuneeda.

¹⁵ Ak ghabeawa Refidimu, ak gooduuw aba dareapcheeda Sinayi.

¹⁶ Muchu ghabeawa dareapcheeda Sinayi, ak gooduuw aba Gibrot-hataafa.

¹⁷ Ghabeawa Gibrot-hataafa, ak gooduuw aba Haseroti.

¹⁸ Muchu ghabeawa Haseroti, ak gooduuw aba Ritma.

¹⁹ Muchu ghabeawa Ritma, ak gooduuw aba Rimon-peresi.

²⁰ Muchu ghabeawa Rimon-peresi, ak gooduuw aba Libna.

²¹ Ak ghabeawa Libna, ak gooduuw aba Risa.

²² Muchu ghabeawa Risa, ak gooduuw aba Gehelata.

²³ Ghabeawa Gehelata, ak gooduuw aba giijeeda Sheferi.

²⁴ Ak ghabeawa Sheferi, ak gooduuw aba Harada.

²⁵ Muchu gabeewa Harada, ak gooduuw aba Makeloti.

²⁶ Muchu ghabeawa Makeloti, ak gooduuw aba Dahati.

²⁷ Ak ghabeawa Dahati, ak gooduuw aba Dera.

²⁸ Ghabeawa Dera, ak gooduuw aba Mitka.

²⁹ Ghabeawa Mitka, ak gooduuw aba Hashmona.

³⁰ Ghabeawa Hashmona, ak gooduuw aba Moseroti.

³¹ Muchu ghabeawa Moseroti, ak gooduuw aba Bene-yaakani.

³² Ghabeawa Bene-yaakani, ak gooduuw aba Hor-hagidgadi.

³³ Ghabeawa Hor-hagidgadi, ak gooduuw aba Yotbata.

³⁴ Muchu ghabeawa Yotbata, ak gooduuw aba Abrona.

³⁵ Ghabeawa Abrona, ak gooduuw aba Esion-geberi.

³⁶ Muchu ghabeawa Esion-geberi, ak gooduuw aba dareapcheeda Sini (nea Gadeshi).

³⁷ Ak ghabeawa Gadeshi, ak gooduuw aba giijeeda Hori, mida moonghooda ng'eanyiida Edomu.

³⁸ Ng'ata gwading'da Haruni giijeeda Hori, aba diigheanda NG'UTAMIIDA, ak gameewsa hoowa, aba gweaydeaba haradam iing'ata rinooda rinna fuga Israeli ng'eanyiida Misri, sheedeaba muut, was eaweeda madeeda bea sheeda.

³⁹ Abeeda Haruni siida mideawa gweanyeew bughala ea diktam ea samwagu damanda meawa aba uhuuda giijeeda Hori.

⁴⁰ Nea siida Ganaani, was sugoocheanda Araadi, abiita ng'eanyiida Negebu was ng'eanyiida Ganaani, ghwayiiy hinnooda fuga Israeli.

⁴¹ Hean ghabeawa giijeeda Hori, ak gooduuw aba Salmona.

⁴² Muchu ghabeawa Salmona, ak gooduuw aba Bunoni.

⁴³ Ak ghabeawa Bunoni, ak gooduuw aba Oboti.

⁴⁴ Ak ghabeawa Oboti, ak gooduuw aba Iye-abarimu, mida moonghooda ng'eanyiida Moabu.

⁴⁵ Muchu ghabeawa Iye-abarimu, ak gooduuw aba Dibon-gadi.

⁴⁶ Ghabeawa Dibon-gadi, ak gooduuw aba Almon-diblatayimu.

⁴⁷ Muchu ghabeawa Almon-diblatayimu, ak gooduuw aba giijeega Abarimu, deaschi Nebo.

⁴⁸ Ak ghabeawa giijeega Abarimu, ak gooduuw aba ng'eanyiida moohajeega Moabu, neekeewa eenda Yordani mida Yeriko.

⁴⁹ Gooduuw aba murdeeda Yordani, ghang'eada Bet-yeshimoti ea ghwahita Abel-shitimu mida ng'eanyiida moohajeega Moabu.

Ng'asheega sirukusa nea miighoaghaawa Yordani

⁵⁰ Ng'ata gabalool NG'UTAMIIDA sea Musa aba moohajeega Moabu, neekeewa Yordani, aba Yeriko, ak gwayeesha,

⁵¹ “Baloola sea fuga Israeli, ak giyeeshi, iyoakghaawi eenda Yordani ak gooweayi jeeda ng'eanyiida Ganaani,

⁵² abeeda gajahoana buuneesean bea ng'eanyiita aba madeedeang'wa, ak gajadatasa lagheanga nyaawa sean sing'oorsa sanaamu, ak geadatas sanaamajeega nyaawa sean sisin, ak geenyarja hoorgajeega nyaawa sean gadiyeata gheambiideadi;

⁵³ ak gajoopiidana jeedeaba ng'eanyiini ak goombali nea goopiidi jeeda; aba gideaba aniini neagoonyeegwa agooga ng'eanyiini oombala.

⁵⁴ Ak agooga gajahearana ng'eanyiida aba ng'alealeeda, aba gidabeada fuga ghaheang'wa; fuga saang'a gajoatawa gea saang'a jea gwahearan, nea fuga ng'ay gajadawa aba giteena ng'ayinda nyaawa; aba heeda wassean abissa, ng'alealeeda siida wassean, hiji abeeda headaanyi; gajahearaniischeena awuurjeewana eemoojiga ghweanigeagwa.

⁵⁵ Ama moogasi ahoana fuga bea ng'eanyiida ghabeawa madeedeang'wa, abeeda fiisu jea alajaan gaygawuurji sidageeda aba gheanyangeagwa, nea gawuurji halaghweenga aba gisheajeegeagwa, ak gaygoodeawiideegwa aba ng'eanyiini oopiidiin.

⁵⁶ Ak abeeda gaygwasa, gawuurji gideagasiidi dasima saawa, nih gichea dasimaneegwa.”