GIING'EETA 5 - Bibliyeeda Ghaydit

Jeacheenga Adamu

¹ Nih gitaabooda jeacheenga Adamu gil. Damanda sina ASEETA siida, gwasin siida aba ratooda ASEETA.

² Gwasin ng'eedeeda ea gatmooda, ak ghoadaw ghawooda ak gaguura buuneeda aba damanda sina.

³ Ng'ata nea niibiida Adamu ng'eanyiida gweanyeew bughala ea diktam ea damanamughuush, gwaji orjeeda uurji niny, siratiida niny, ak gaguura Seti.

⁴ Gweanyeeka Adamu iing'ata jeata jih Seti ea bughalaji sis; ak gwaji orjooga ea haweega.

⁵ Nea gweanyeeka sean bea Adamu ea bughalaji shageash ea diktam ea damanamughuush; ak ghami.

⁶ Iing'ata nea niibiida Seti ng'eanyiida gweanyeew bughala ea muut, gwaji Enoshi.

⁷ Goobiida Seti ng'eanyiida iing'ata jeata jih Enoshi gweanyeew bughalaji sis ea ispwa, ak gwaji orju suuk ea haweega.

⁸ Asi gweanyeeka sean bea Seti ea bughalaji shageash ea damaniyeenya; ak ghami.

⁹ Damanda beaheewa Enoshi gweanyeew seedam ea damanamughuush, gwaji Genani.

¹⁰ Goobiida Enoshi ng'eanyiida gweanyeew bughalaji sis ea damanamuut iing'ata jeata Genani, ak gwaji orju suuk ea haweega.

¹¹ Gweanyeeka sean bea Enoshi ea bughalaji shageash ea muut; ak ghami.

¹² Iimuchu nea niibiida Genani ng'eanyiida gweanyeew laadam ea damanamughuush, gwaji Mahalaleli.

¹³ Goobiida Genani ng'eanyiida gweanyeew bughalaji sis ea haradam iing'ata jeata jih Mahalaleli, ak gwaji orjooga suuk ea haweega.

¹⁴ Asi gweanyeeka sean bea Genani ea bughalaji shageash ea damanamughuush; ak ghami.

¹⁵ Iing'ata nea niibiida Mahalaleli ng'eanyiida gweanyeew laadam ea muut, gwaji Yaredi.

¹⁶ Goobiida Mahalaleli ng'eanyiida gweanyeew bughalaji sis ea diktam ea damanamughuush iing'ata jeata jih Yaredi, ak gwaji orjooga suuk ea haweega.

¹⁷ Gweanyeeka sean bea Mahalaleli ea bughalaji sis ea seedam ea damanamuut; ak ghami.

¹⁸ Iimuchu nea niibiida Yaredi ng'eanyiida gweanyeew bughala ea laadam ea iyeenya gwaji Enoki.

¹⁹ Goobiida Yaredi ng'eanyiida gweanyeew bughalaji sis, ak gwaji orju suuk ea haweega.

²⁰ Gweanyeeka sean bea Yaredi ea bughalaji shageash ea laadam ea iyeenya; ak ghami.

²¹ Iimuchu nea niibiida Enoki ng'eanyiida gweanyeew laadam ea muut, gwaji Metusela.

²² Gwarooroochi Enoki sea ASEETA gweanyeew bughalaji samwagu iing'ata jeata jih Metusela, ak gwaji orju suuk ea haweega.

²³ Asi gweanyeeka sean bea Enoki ea bughalaji samwagu ea laadam ea muut.

²⁴ Gwarooroochi Enoki sea ASEETA; ak ghang'ut ng'eanyi, aba gideaba gageanda ASEETA.

²⁵ Iimuchu nea niibiida Metusela ng'eanyiida gweanyeew bughala ea seedam ea ispwa, gwaji Lameki.

²⁶ Goobiida Metusela ng'eanyiida gweanyeew bughalaji ispwa ea seedam ea iyeenya, ak gwaji orju suuk ea haweega.

²⁷ Gweanyeeka sean bea Metusela ea bughalaji shageash ea laadam ea shageash; ak ghami.

²⁸ Iimuchu nea niibiida Lameki ng'eanyiida gweanyeew bughala ea seedam ea iyeenya, gwaji baleanda,

²⁹ ak gwayi, “Aba badayda ng'eanyiida ghayi mwaashta NG'UTAMIIDA, jeebi abeeda gaygweaneasa hawdeayda aba gadiyoojigaasa sean hang'oonyi; ak gaguura gheawungaaschi Nuhu.”

³⁰ Goobiida Lameki ng'eanyiida gweanyeew bughalaji muut ea seedam ea muut iing'ata jeata jih Nuhu, ak gwaji orju suuk ea haweega.

³¹ Gweanyeeka sean bea Lameki ea bughalaji ispwa ea laadam ea damanispwa; ak ghami.

³² Iimuchu nea gaba Nuhu gweanyeew bughalaji muut, gwaji Nuhu Shemu, ea Hamu ea Yafet.