GIING'EETA 36 - Bibliyeeda Ghaydit

Jeacheenga Esawu

¹ Suh jeacheenga Esawu (nea Edomu).

² Esawu ghaghi gadeamgaaschi bea eemeeda Ganaani: nea Adahi was hudeaba Eloni bea eemeeda Hiti, sea Oholibama was hudeaba Ana was orjeeda Sibeyoni bea eemeeda Hifi,

³ ea Basemati, was hudeaba Shumwaheeli, was huda geenyea Nebayoti.

⁴ Ak gwajiilsa Ada Esawu, Elifasi; ak gwaji Basemati ea Reueli;

⁵ ak gwaji Oholibama Yeushi, ea Yalamu, ea Gora. Suh orjooga Esawu sijiilsa ng'eanyiida Ganaani.

⁶ Ng'ata ghwaat Esawu gadeamgaaschi, ea orjoagaaschi, ea haweagaaschi, ea buuneesean bea gheanyi, ea dugwaaschi, ea diyeangaaschi suurja, ea haleanjeadaanyi sean mideawa nyas aba ng'eanyiida Ganaani; ak gawa ng'eanyiida sheageewa orjeeda ghaamwat was Yakobo.

⁷ Aba gideaba dugwa nyaawa aasaang'a muuchi mayghoamu gwandeayi duwaawi; aba gideaba ng'eanyiida mida madeayi aba giibinda jea gwandeayeesa sea dugwa nyaawa.

⁸ Hean goobiida Esawu ng'eanyiida heayeeniga Edomu.

⁹ Suh jeacheenga Esawu was ghweanda fuga Edomu mida giijeega Edomu.

¹⁰ Suh gheawunga orjooga Esawu: Elifasi gil was orjeeda Adahi was gatmooda Esawu, ea Reueli was orjeeda Basemati was gatmooda Esawu.

¹¹ Orjooga Elifasi: Demani gil, ea Omari, ea Sefo, ea Gatamu, ea Genasi.

¹² (Dimna abeeda niny gwealeeda Elifasi, was orjeeda Esawu; gwajiilsa Elifasi Amaleki.) Suh orjooga Adahi, was gatmooda Esawu

¹³ Suh orjooga Reueli; Nahati gil, ea Sera, ea Shama, ea Miisa. Suh orjooga Basemati, was gatmooda Esawu.

¹⁴ Suh orjooga Oholibama was hudeaba Ana orjeeda Sibeyoni, was gatmooda Esawu; gwajiilsa Esawu Yeushi, ea Yalamu, ea Gora.

¹⁵ Suh dooshinga orjooga Esawu. Duweacheeda Esawu was Elifasi gheambaghweanda jiilu dooshing'su: Deema, ea Omari, ea Sefo, ea Genasi,

¹⁶ Gora ea Gatamu, ea Amaleki; suh dooshinga Elifasi aba ng'eanyiida Edomu; suh orjooga Adahi.

¹⁷ Suh orjooga Reueli, was orjeeda Esawu: dooshinga Nahati, ea Sera, ea Shama, ea Miisa; suh dooshinga Reueli aba ng'eanyiida Edomu; suh orjooga Basemati gil, was gatmooda Esawu.

¹⁸ Suh orjooga Oholibama, was gatmooda Esawu: dooshinga Yeushi, ea Yalamu, ea Gora; suh dooshinga jih Oholibama was hudeaba Anahi, was gatmooda Esawu.

¹⁹ Suh orjooga Esawu (was Edomu), nea suh ea dooshinga nyaawa.

Jeacheenga Seiri

²⁰ Suh orjooga Seiri bea eemeeda Hori, was fuga mida ng'eanyiida: was Lotani, ea Shobali, ea Sibeyoni ea Ana,

²¹ Dishoni, ea Eseri sea Dishani. Suh dooshinga Hori, was orjooga Seiri mida ng'eanyiida Edomu.

²² Orjooga Lotan Hori gil sea Hemani; nea huda geenyea Lotan geeguura Dimna.

²³ Suh orjooga Shobali: Alfani, ea Manahati, ea Ebali, ea Shefo sea Onamu.

²⁴ Suh orjooga Sibeyoni: Aiya gil ea Ana; amadu ghwanyas Ana gheang'deenda mida beega gareadi aba dareapcheeda, damanda ahaaghwiida digeeniga ghwaan was Sibeyoni.

²⁵ Suh diibiga Anahi: Dishoni gil ea Oholibama was hudeaba Ana.

²⁶ Suh orjooga Dishoni: Hemdani gil, ea Eshbani, ea Itrani sea Gerani.

²⁷ Suh orjooga Eseri: Bilhani gil, ea Saawani sea Akani.

²⁸ Suh orjooga Dishani: Usi gil sea Arani.

²⁹ Suh orjooga Hori; was dooshinga Lotan gil, ea Shobali, ea Sibeyoni ea Ana,

³⁰ Dishoni, ea Eseri, sea Dishani; suh dooshinga Hori aba gidabeada dooshinga nyaawa aba ng'eanyiida Seiri.

Sugoodiga Edomu

³¹ Suh sugoodiga ahaaghwa ng'eanyiida Edomu, nea abeeda ea miighoahaaghwa eemeeda Israeli sugoochean.

³² Bela orjeeda Beyori ghoahaaghwa ng'eanyiida Edomu, nea mujiineadaanyi geeguura Dinhaba.

³³ Ak ghami Bela, ak ghoaghiis hoorgeadaanyi Yobabu was orjeeda Sera mida mujiineeda Bosra.

³⁴ Muchu ghami Yobabu, ak ghoaghiis hoorgeadaanyi Hushamu bea ng'eanyiida Demani.

³⁵ Muchu ghami Hushamu, ghoaghiis hoorgeadaanyi orjeeda Bedadi siguura Hadadi, ghayi joar fuga Midiyani aba ng'eanyiida Moabu, nea gheawunga mujiineadaanyi geeguura Afiti.

³⁶ Muchu ghami Hadadi ak ghoaghiis hoorgeadaanyi Samla bea ng'eanyiida Masreka.

³⁷ Muchu ghami Samla, ak ghoaghiis hoorgeadaanyi Shauli bea mujiineeda Rehoboti mida ghuuteenda Furati.

³⁸ Muchu ghami Shauli, ak ghoaghiis hoorgeadaanyi Baal-hanani was orjeeda Akbori.

³⁹ Ak ghami Baal-hanani was orjeeda Akbori, ak ghoaghiis hoorgeadaanyi Hadadi, nea gheawunga mujiineadaanyi geeguura Bau; nea gatmoadaanyi geeguura Mehetabeli, was hudeaba Matredi, hudeaba Mesahabu.

⁴⁰ Suh gheawunga dooshinga Esawu, ea jeacheenga nyaawa ea heeda abiita: dooshta Dimna gil, ea Alfa ea Yeteti,

⁴¹ Oholibama, ea Ela, ea Binoni,

⁴² Genasi, ea Demani, ea Mibsari,

⁴³ Magdieli, ea Iramu; suh dooshinga Edomu (was Esawu, was ghweanda Edomu), was ng'eanyiida nyaawa bea beanata.