GIING'EETA 10 - Bibliyeeda Ghaydit

Jeacheenga orjooga Nuhu

¹ Suh jeacheenga orjooga Nuhu gil, was Shemu, ea Hamu ea Yafet; gwaji orjooga iing'ata roopta haw.

² Orjooga Yafet suh: Gomeri, ea Magogu, ea Madeayi, ea Yafani, ea Dubali, ea Meshaki ea Dirasi.

³ Orjooga Gomeri suh: Ashkenasi gil, ea Rifati, ea Dogarma.

⁴ Orjooga Yafani suh: Elisha gil, ea Darshishi, ea Gitimu ea Dodanimu.

⁵ Suh fuga darsa ghuuta basooda ak goobiida. Suh orjooga Yafet gil aniini ea ng'eanyiida nyaawa, ak gaba fiisu bea iita nyaawa, ea suh bea gheanyaawa, ea eemeenyaawa.

⁶ Suh orjooga Hamu: Gushi gil, ea Misri, ea Buti ea Ganaani.

⁷ Suh orjooga Gushi: Seba gil, ea Hafila, ea Sabta, ea Rama ea Sabteka. Nea orjooga Rama: ea Sheba gil ea Dedani.

⁸ Gwaji Gushi Nimrodi; ak niny ea siida hoauur gil aba jeeda ng'eanyiida

⁹ Niny abeeda ea shageadoocheanda hoauur gil aba madeeda NG'UTAMIIDA; hean geeyi, “Niwuurji Nimrodeeda hoauur aba madeeda NG'UTAMIIDA.”

¹⁰ Nea sugoocheanduumeadaanyi ghoang'eada Babeli, ea Ereki ea Akadi, nea gwanda sean jeeda ng'eanyiida Shinari.

¹¹ Muchu ghang'eada ng'eanyiita ak gawa ng'eanyiida Ashuru, ak ghwadeas mujiineeda Ninawi, ea Rehobot-iri, ea Gala ea

¹² Reseni mida dageascheeda Ninawi ea Gala; nea mujiineedida hawiini.

¹³ Muchu gwaji Misri Ludimu, ea Anamimu, ea Lehabimu, ea Naftuhimu,

¹⁴ ea Batrusimu, ea Gasluhimu (fuga ama muchu ghoah Filisti), ea Gaftorimu.

¹⁵ Ng'ata gwaji Ganaani Sidoni was duweacheadaanyi, ea Heti,

¹⁶ ea Yebusi, ea Amori ea Girgashi,

¹⁷ ea Hifi ea Arki ea Sini,

¹⁸ ea Arfadi, ea Semari, ea Hamati. Iimuchu ghwadarda eemeeda Ganaani gaweay darooraka.

¹⁹ Hean gwaheedu ng'eanyiida Ganaani ghang'eada Sidoni, deaschi sea Gerari, ak gawa ea ghwahita Gaasa, ea gagal meatkweeda Sodoma ea Gomora, ea Adma, ea Seboimu ea ghwahita Lasha.

²⁰ Suh orjooga Hamu gil, aba geenga nyaawa, ea iita nyaawa, ea darooraka nyaawa, ea eemoojiga nyaawa.

²¹ Eara Shemu, was orjeeda haweewa Yafet gwaji orjooga sean jih fuga Yahudi.

²² Suh orjooga Shemu gil: Elamu, ea Ashuru, ea Arpakshadi, ea Ludi ea Aramu.

²³ Suh orjooga Aramu gil: Usihi, ea Huli, ea Geeta ea Mashi.

²⁴ Gwaji Arpakshadi Shela; ak gwaji Shela Eberi.

²⁵ Gwaji Eberi orju iyeenya: Gheawung'spa orjeanagi geeguura Belegi, aba gideaba aba damandaanyi ghwadarda buuneeda ea gaweay darooraka sean, nea abeeda gwandeawa orjeeda ghaamwat siguura Yoktani.

²⁶ Muchu gwaji Yoktani Almodadi, ea Shalefu, ea Hasarmafeti, ea Yera,

²⁷ ea Hadoramu, ea Usali, ea Dikla,

²⁸ ea Obali, ea Abimaeli, ea Sheba,

²⁹ ea Ofiri, ea Hafila, ea Yobabi; orjusu seaniin gwaji Yoktani.

³⁰ Ng'eanyiida nyaawa abiita gawa ea ghwahita Mesha gal Sefa ea ghwahita ng'eanyiida heayeeniga duukusa heeda ghayeawa.

³¹ Suh orjooga Shemu gil, aba geenga nyaawa, ea iita nyaawa, ea darooraka nyaawa, ea eemoojiga nyaawa.

³² Fiisu seaniin jeata orjooga Nuhu gil, iisiroaproabwaada jeacheenga nyaawa, aba eemoojiga nyaawa; ak gaweay fiisu gwadarsa eemoojiga ng'eanyiisean mida giigheawda basooda iing'ata roopta haw.