GHWASIILDEANGA 28 - Bibliyeeda Ghaydit

¹ Fuga munyas iissa gwasalda eara ea manda siida hoan, nea fuga doobiiweadi ea daruuscheew ea gawuurji ng'adiida.

² Ng'eanyiida iisiheawi abeeda fugaaschi ambaliischi aasaang'a, nea aba fuga mideawa nalooda ea fughareeda abeeda ng'eanyiida gaygamajeegiit.

³ Siida bwarbwar ghabwas dea bwarbwar gawuurji roopta haw moaheasa booga.

⁴ Fuga mwaang'waanya deaweeda gagwarsa gea munyas nea gea ang'waay deaweeda gagaleada sea saawa.

⁵ Fuga munyas mwanala doobiiwnata, nea gea gasa NG'UTAMIIDA ghwanal muuchi.

⁶ Ghang'wana siida bwarbwar doabiiwaat aba giibindaanyi mwasamwa meanang'oocheanda was roodaneeda aba giibindaanyi.

⁷ Orjeeda ang'waay deaweeda weaghoocheanda gil, nea dea duupchi fuga beeshkweeda gayghoabwaaspwaas ghwaan.

⁸ Siida ahaat meanang'oocheanduumeadaanyi aba nyageadayda ea gea ahaada, gooweamsa siinuut jea ghabwayda fuga barbari.

⁹ Daheawa gooleeysiit deaweeda nih eara mooshtaanyi bea ASEETA ghwasit ASEETA.

¹⁰ Siida iissa ghaghurghur siida miy gwasin ng'asheega munyas, gayghoabita jeeda shoomandaanyi nea gabwageaw, fuga mandeawana giidiinyeanda ng'asheega nyaawa miyaas.

¹¹ Meanang'oocheanda iissa gwadeaksa geaw gideaba gwandeawa weaghuumeeda, nea siida bwarbwar mideawa fughareeda gaygwasikteawa muuchi.

¹² Fuga miyaasiin gaygaba siisi sin ghweelmeeda, nea iyambaliischi fuga munyas gayghafuygeat buuneeda.

¹³ Siida fuy giidiinyeanyeekaaschi mayghwanyas nyageadayda, nea dea duukuuna ak ghoabuut gayghwanyas baydeayda.

¹⁴ Ghang'wana siida awali gheang'da NG'UTAMIIDA galeagasean, nea dea hang'waay gurooru gaygoobisa jeeda habitkweeda.

¹⁵ Siida muy seara ambal siida bwarbwar, gawuurji nyeashta ng'adiida ghana idamooda yeat jih.

¹⁶ Siida ambaliischi nea ghoashoay fughareeda, iissa ghaghabwas buuneeda muuchi, nea dea sit geawunda gheang'da gayghoahaat eawoojigaaschi.

¹⁷ Siida bwaay giidiinyeanda nuusta siida, gaygwaneaydooschi ea gawa jeeda bung'eeda, ak ea adaghoadeal sih.

¹⁸ Siida doabiiwaat aba giibindaanyi gajeelealu, nea dea hang'waay uhuuda aba naweadingaaschi gayghoabeada aba geeshangiga.

¹⁹ Siida bwar madamnyeandaanyi gayghwanyas booga saang'a, nea siida aat geeshta ng'asheega marachi gil gayghwanyas barbaranda deayeat.

²⁰ Siida doabiiwaat gajeebadiischeesa muuchi, nea dea bean ghwanyas meanang'oocheanduumeeda mayghwashiy gajeergweaksa.

²¹ Shiitmeeda buuneeda mwahida, ghana goodiiy siida aba banakcheanda mukaate.

²² Dea ng'ula siida gheang'da muy ghwalamwach ghoah meanang'oocheanda, ak ea mooteemsheesiina gidagasa gichea ghwahitaayda.

²³ Siida awoowsa siida iidu gayghwanyas alooheeda, ea ghang'al siida amiitu geaw aba ng'ushaptaanyi.

²⁴ Siida jagwat haleanjeeda ghwaan ghana ghaamwat ak gwayi, “Nih manda giidiinyeanda,” siisi abeeda gwaduupchi dea datasi haleanjeeda.

²⁵ Siida shit ghaang' iissa goong'uuchi buuneeda aba jaliida, nea dea ghus NG'UTAMIIDA gayghwanyagaada.

²⁶ Siida ghus gurooroadaanyi aadasha, nea weaghoocheanda aba giibindaanyi gajeelealu.

²⁷ Siida weat siida bwarbwar manda gida jea ghoashoonya, nea dea heawa goong'weersa gayghwanyas mooshteayda haw.

²⁸ Fuga munyas iing'eat ghafuy geat buuneeda, nea iisilas uhuuda fuga doobiiweadi ghoahaada.