Galattiya 6 - Bibliyeeda Ghaydit

Daba siisi sar sareemba nuut

¹ Orjoogiyya, iyoadaayi siida nea niibita jeeda riing'eeda asi agoogeeni oowooschi fuga gurooroodean ooteelni siisi aba guroorooda garbabu. Fura geaw, ang'iing'i adiidu geesimnyi.

² Daba siisi sar sareemba nuut, daba siisi ahiit deaweedeeda Gristo.

³ Ak siida iiyeesha geaw guwoosi gil, nea mii gili, adagwareengani geaw.

⁴ Ak daba siisi sawsa gadiyeadaanyi nea gabageaw, ak gayghwanyas gichea ghaghwara geaw niny aba gadiyeadaanyi, nea mii hichpa sih nuut gil.

⁵ Aba gideaba gaygaba siisi sar sareandaanyi nea gabageaw.

⁶ Siida siinaal ng'asheanda deabareanyi haleanjeeda miyaasiin sean siida anealshi.

⁷ Adeereenganeegwa, ASEETA meereenganna, aba gideaba siida gayghwalach gida wasean ghayi hista.

⁸ Aba gideaba siida hista ng'asheega aba saseadaanyiin, aba jeeda saseadaanyi gayghwalach munyinda; duuku siidida histeawa gurooroodean, aba jeeda guroorooda gayghwalach eaweega manda muudeanooda.

⁹ Ak ea adeeburji aba sinooda ng'asheega miyaasiin aba gideaba gajeelaja iihita damanda ii miyeepra.

¹⁰ Ak damani duu eendeawana gheatean eesisiina buuneesean ng'asheega miyaas, ak ghwaraanya fugiga mideawa masaweegean.

Miinda gheang'da huuydean ea giighata

¹¹ Ang'ula ng'oorshooni gida aang'oardi nea geaheetu ng'ooruutka ak geang'oorneegwa aba geatindeanyu aniini.

¹² Suh fugiga gasa gideaba gayghoahiimu geediin gil jea gwadiing'seegwa eata ghasmeahooda, aba gideaba ea meesawana saawa aba beehiida Gristo.

¹³ Ak eara gea siyaat ghasmeahooda, mwaada geeshta deaweeda, saawa gagasa gideaba gajeayaadeagwa ghasmeahooda, ak ghaghwar geat aba sasanuukeagwa.

¹⁴ Ak aniini ea adaaghwarji geaw aba gida wasean geaghus giigheambiita beehiida Ng'utamiideanya was Yesu Gristo, aba gideaba aba naweani bea beehiidean singoorsa ng'eanyiida badaydeanyu, ak aniini ea singoorsean badayda ng'eanyiida.

¹⁵ Siida eayaat ghasmeahooda ghanea meayaada mii gili, ghana dea miyeayaat ghasmeahooda geegasa ghoah siideesh.

¹⁶ Hoyyoo ea baydeayda gagasa ghwanyas fugiga sean ang'waay deaweedeeni, aba badayda Israeleeda ASEETA.

¹⁷ Gidang'eada ghamneawa adagoodeawiidan sih; aba gideaba aniini geandeawi giirooraneeda Yesu aba saseedeanyu.

¹⁸ Dagheerjeanduumeeda Ng'utamiideanya was Yesu Gristo gagasa goobiida jeeda gurooruunatkeagwa, orjoogiyya. Amin.