ESRA 10 - Bibliyeeda Ghaydit

Muudeanooda geeshooda sea eemoojiga

¹ Damanda moasheewa Esra ghawooda ak gwaduukuuna, nea gooyeawda nea gwajaksa geaw ng'eanyi aba madeeda gheeda ASEETA, hean gabassa geat buuneeda saang'a muuchi bea Israeli headaanyi, headiga, ea gadeemga, ea diibiga, abeeda buuneeda gooyeawda muuchi.

² Hean ghwalamda Shekaniya was orjeeda Yehieli, bea orjooga Elamu, ak gwayeesha Esra: “Aseasa siitiiysi ASEETEANYA aba badayda masaweega aba gideaba sigeenayi gadeemga was rabasta bea fugeaba ng'eang'i; ak eara ea nisa gudugwanda ghusooda aba badayda Israeli aba ng'asheanji.

³ Asi eesina neajeeda sea ASEETEANYA ak geanung'unyi gadeemsu ea diibiga nyaawa, gawuurji gidanyaashta ng'asheanda ng'utamiideanyu ea gea awal diigheanda ASEETEANYA; ak ng'asheesu gajeesin aba gidanyaashta deaweeda.

⁴ Ng'eada, aba gideaba gadiyeeni gamiiseey, ak gajeendeayeena sea ang'iing'i, asi majeegiida ak gisini.”

⁵ Hean ghang'eat Esra ak gweaksa habeawooda fuga hees bea ashoohoodiga ea fuga Lawi ea fuga Israeli sean gideaba gajeesinda ng'asheega gidanyaashta. Hean geayaak habeawooda.

⁶ Hean goosiipteawa Esra madeeda gheeda ASEETA, ak gawa ghushadeeda ghooriida Yehonani orjeeda Eliashibu hita goopteada eaweesean nea mwaaga mukaate nea mwali beega, aba gideaba gooyeawda aba giidiinyeanyeeka fuga leabu giibaleakta.

⁷ Ak geenung' gawa giijasta Yuda ea Yerusalemu heeda fuga sean biikna giibaleakta ak gabassa geat Yerusalemu,

⁸ nea siida mwahina aba jeemba eawooji samwagu, aba gidanyaashta ng'asheanda fuga hees ea gweargwa abeeda gajeegeanda haleanjeadaanyi sean, ak gajeasaja niny jeeda fuga bwatgeat leabu giibaleakta.

⁹ Hean ghabwat geat headiga sean bea fuga Yuda ea Benjamini aba Yerusalemu aba jeemba eawooji samwagu; nea abeeda ea sheedeaba shageash gil, bea eaweedeaba diktam bea sheeda. Ak goobiitpiit fuga sean aba seamooda madeeda gheeda ASEETA, nea geaboadan aba badaydeaba ng'asheanji ea roopta haw roabwan.

¹⁰ Ak ghang'eat Esra was ashoohoocheanda ak gwayeesha saawa, “Nootiinyi aba gideaba noagheanyi gadeemga rabasta ak ea naahaachi nyarasta fuga Israeli.

¹¹ Asi aduukuunana aba heeda NG'UTAMIIDA was ASEETA ghweanigeagwa, ak goosindi gidagasiida; ak ghoasaji geat fugeaba ng'eang'i ea gadeemga eemoojiga.”

¹² Hean ghwasha fuga sean bwat geat aba ghuuta haw nea geeyi, “Huumwa gil, gamiiseasa eesinda gidinyaashti.

¹³ Ak buuneeda ea saang'a, nea damanda roopta gil; ak ea mwajeamuusa eamiinaada aba jarooda. Nea gadiyeeni ea maba eaweecheanjagi ghana eawooji iyeenya; aba gideaba siitiinyi muuchi aba badaydeaba ng'asheanji.

¹⁴ Damiineadaysiina fugaasa hees fuga sean bwatgeat; ea fuga sean mida jeeda mujiineedeanya, ea gea geena gadeemga rabasta dapka damanda sirugu, saawa ea gweargwa, ea fuga aheeldooschi buuneeda aba gilinyoo ea mujiinajeega, ea ghwahita nyarasta ng'waan bea ASEETEANYA ak ghang'amwa heedeanya ng'asheanji.”

¹⁵ Fuga heawa ng'asheanji geaghus Yonatan orjeeda Asaheli ea Yaseya orjeeda Dikwa, ak ghwaat geeshta Meshulamu ea Shabetayi was siida Lawi.

¹⁶ Hean gwasindunu fuga leabu giibaleakta. Ak ghaghwal Esraheeda was ashoohoocheanda headiga, aba jeeda fuga hees bea gweargwa gealga, gawuurji giteena gealga ghweaniga nyaawa, ak gaba nih ng'oar ak gaba nih ng'oar gheawungaaschi. Eaweeda madeeda bea sheedeaba damanamughuush geepiitpiit eesikteawa ng'asheanda;

¹⁷ ak eaweeda madeeda bea sheeda madeeda geahiit ng'asheega sean bea headiga ghayi geena gadeemga rabasta.

Headiga geena gadeemga rabasta

¹⁸ Orjooga ashoohoodiga geena gadeemga rabasta, Maaseya gil, ea Elieseri, Yaribu, ea Gedaliya, was orjooga Yoshuwa orjeeda Yosadaki ea fugaaschi duupchi.

¹⁹ Ak gwaneajeesa gideaba gayghwanung' gadeemga nyaawa, nea aba giidiinyeanda nyaawa geatayda lagweenda aba jeeda hawanda nyaawa gaba haleanjeeda ghadooweeda bea giidiinyeanda.

²⁰ Orjooga Imeri: Hanani gil ea Sebadiya.

²¹ Orjooga Harimu: Maaseya gil, ea Eliya, ea Shemaya, ea Yehieli ea Usiya.

²² Orjooga Bashuri: Elioenayi gil, ea Maaseya, ea Shumwaheeli, ea Netaneli, ea Yosabadi ea Elasa.

²³ Gea fuga Lawi: Yosabadi gil ea Shimeyi, ea Gelaya (nea Gelita), Betahiya ea Yuda ea Elieseri

²⁴ Gea fuga Sarmani: Eliashibu gil. Gea furiischoodiga: Shalumu gil ea Delemu, ea Uri.

²⁵ Ak gea Israeli: Ea orjooga Baroshi: Ramiya gil, ea Isiya, ea Malkiya, ea Miyamini, ea Eleasari ea Hashabiya, ea Benaya.

²⁶ Orjooga Elamu: Mataniya gil, ea Sekariya, ea Yehieli, ea Abdi, ea Yeremoti, ea Eliya.

²⁷ Orjooga Satu: Elioenayi gil, ea Eliashibu, ea Mataniya, ea Yeremoti, ea Sabadi, ea Asisa.

²⁸ Orjooga Bebayi geaba Yehohanani gil, ea Ananiya, ea Sabayi, ea Atalai.

²⁹ Orjooga Bani geaba Meshulamu gil, ea Maluki, ea Adaya, ea Yashubu, ea Shela, ea Yeremoti.

³⁰ Orjooga Bahati-moabu: Adina gil, ea Gelali, ea Benaya, ea Maaseya, ea Mataniya, ea Besaleli, ea Binuyi, ea Manase.

³¹ Orjooga Harimu: Elieseri gil, ea Ishiya, ea Malkiya, ea Shemaya, ea Shimeoni,

³² Benjamini, ea Maluki, ea Shemariya.

³³ Orjooga Hashumu: Matenayi gil, ea Matata, ea Sabadi, ea Elifeleti, ea Yeremayi, ea Manase ea Shimeyi.

³⁴ Orjooga Bani: Maadayi gil, ea Amramu, ea Ueli,

³⁵ ea Benaya, ea Bedeya, ea Geluhi,

³⁶ ea Waniya, ea Meremoti ea Eliashibu,

³⁷ ea Mataniya, ea Matenayi, ea Yaasu.

³⁸ Orjooga Binuyi: Shimeyi gil,

³⁹ ea Shelemiya, Natani, ea Adaya,

⁴⁰ ea Maknadebayi, ea Shashayi, ea Sharayi,

⁴¹ ea Asareli, ea Shelemiya, ea Shemariya,

⁴² ea Shalumu, ea Amariya ea Yosefu.

⁴³ Orjooga Nebo: Yeieli gil, ea Matatiya, ea Sabadi, ea Sebina, ea Yadai, ea Yoeli, ea Benaya.

⁴⁴ Fiisu seaniin abeeda gageena gadeemga eemoojiga, ak iidu gwanung'usa heeda sea diibiga nyaawa.