Biblia Todo Logo
Bìoball air-loidhne

- Sanasan -

Ebraniya 2 - Bibliyeeda Ghaydit


Lealeanooda haw

1 Asi gamiiseasa gideaba gajeeng'ula muuchi ng'asheega ghayi siyiinyi, ghana eesheagiidana.

2 Aba gideaba giijasta ghayi rugu malaykajeega gaba huumwa nea giliwas ramaseanda ghana nyoota mureeda ghwanyas waldeayda doabiiw,

3 aseasa gajeamuusa eemuldaan iimeeduupi lealeanooda haw deenu? Aba gideaba ghayi nibay gwayi Ng'utamiida aba mwadi, ak gagoaneasa fuga ghayi iiy niny,

4 nea ASEETA gamuuwu aba gwadeagwajeega ea ng'asheega haloodi ea deamdeamanga saang'a, ea gidaguh Guroorooda Ghaydit ak gwalakuuneasa aba gidagasiida niny.


Siida adoabiiweasa ea eanyasa lealeanooda

5 Aba gideaba ASEETA moadawa malaykajeega ng'eanyiida jea ghwahidu, was dea sibalooli.

6 Iidu ea siitaajiit aba hich gideaba, “Siida neada ea naaha gil ea apkaada ghana orjeeda siida, ea eeyi bwak ea ng'ula?

7 Ginung' ghoah siida mwanang' aba gheadi nuwaas ea ghwalaabwa hoowa malaykajeega, ak gishuubi shiipka giigheambiita ea mureeda,

8 ak ghwayiin haleanjeeda sean hing'eadayda geeshangaaschi.” Hean nea niyiin haleanjeeda sean hing'eadayda baneaguuka geeshangaaschi ak gagadiiyeesa niny, ea manung'usiina gil bwadaw aba heeda ahaaghwa. Eara gwasa, miyeadaaha haleanjeeda sean nea gagadiiyeesa niny.

9 Iidu geedaayi Yesu, dea aba gheadi nuwaas geanung' ghamwanang'iit ea ghwalaabwa hoowa malaykajeega, nea siyiin uhuuda giigheambiita ea mureeda aba sawanadeeda ea miyeeda, ak abeeda aba dagheerjeanduumeeda ASEETA abeeda gwasamu miyeeda aba giliwas sih.

10 Aba gideaba ghwahit aba headaanyi, niny ea aba heeda dea ghayi abiideewa haleanjeeda sean, ak gweadu orjooga sean heeda giigheambiita ak ghoah gidamadeeda jea gagadiyeata bea lealeanoodean aba sawanadeeda.

11 Aba gideaba dea amiidu ea gea siimiidu gwaleabu sean hijagi. Ak ghoah gidamwabwaspwasana iiguureewaneegwa fuga eaduupcheewi,

12 nea gwayi, “Gaydarukusa gheawungaagu fuga eaduupcheewi, aba bugusta fuga bwat geat gaydaduumseey.”

13 Nea gicha, “Gaydayiin masaweegeasu heeda ASEETA.” Nea gicha, “Aniini geandi hiji, ak ea nigoonan ASEETA diibiga.”

14 Gwasunu eara diibiga gaguuyi saseeda ea foojeanda, gwasunu eara niny gwandeawa saseeda uurji nih, ak aba naweeda miyeeda abeeda ghwadatas diita mideawa uurda miyeedean, nea meang'nyeandeenda,

15 abeeda gwalealu fugiga sean mida jeeda gheawalmeeda miyeedean goobiida jeeda eaweega geawi bea soomjeandumeeda.

16 Ak ea daachi gideaba mwaweada malaykajeega niny ghaweat jeata Abrahamu.

17 Asi gajeenung' gawuurji sea fuga duupchi aba gheatkweaka sean, ak abeeda ghoah siida bayiida buuneeda ea dea doabiiwaat was ashoohoocheanda haw bea gadiyeeda ASEETA, ak gaygoohuun riing'eeda buuneeda.

18 Aba gideaba niny ghayi gwasawana nea geesimsim, niny ghoamu ghaweat fugiga sisimsimiin.

The Bible in Datooga © Bible Society of Tanzania, 2015.

Bible Society of Tanzania
Lean sinn:



Sanasan