AYUBU 25 - Bibliyeeda Ghaydit

Bildadi

¹ Ng'ata ghwalamda Bildadi bea eemeeda Shuhi ak ghwasha nea gwayeesha:

² “Gheambalmeeda ea gheawalmeeda gwanda heeda ASEETA; ak gwasin hoyyoo aba humng'eadaanyi sheagi.

³ Nea gwanda mooneeda lugweagaaschi? Ghoamu ng'eaha gwayiida mooneeda malaykajeega gadiyeesa niny?

⁴ Asi siida gajea doabiiwaataan aba madeeda ASEETA? Ak gayghoamuustaan gideaba gayghamiidu siida jih gatmooda?

⁵ Ng'ula, eara sheeda meaboong'na ak eara miinga ea mii miyaasiin aba madeadaanyi.

⁶ Ak gaygawuurji siida, was ghuughuucheeda, ea siida was maliilakcheanda!”