रोमी 9 - बारेली पावरी

परमेश्वरोन प्रेषितोन माणसे

¹ मे मसिहमा खोरो कोयो, मे झूट नी बुल रोयू एने मारी सद विवेक बुद्धी बी पवित्र आत्मान गोवायी आपतली.

² कि मेसेक जुदो दुख छे एने मारो मोन हमेशा दुख कोरतेला.

³ काहाकि मेसेक न्या तोक ओसो लागे कि आपना भाशोन कोरीन शरीरोन रुपसी मारा परिवार छे, खुद मसिहन शापित होय जाता.

⁴ चे इस्राईल छे सेवेत्र्या पुऱ्यान होक एने महिमा एने वायदू एने शास्त्रनियमोन आराधना एने वायदू तिंदरी छे.

⁵ डाह-डाहा बी तिंदरा छे एने मसिह बी डीलोन रूपसी तीनुमा गोथू होयू जू आखान उपोर परम परमेश्वर पिढ्यान पिढ्या सोयावा होये. आमेन.

इस्राईलोन मना कोरनो एने परमेश्वरोन उद्देश

⁶ बाकीन यो नि कि परमेश्वरोन वचन टोव गोयो इनान कोरता कि जे इस्राईलोन पिढी छे चे आखा इस्राईली नी होय;.

⁷ एने नी अब्राहामन पिढी होयनेन वजेसी तेरा पुऱ्या ठेरे, बाकीन (लिखलो छे) “इसाहाकसी तारी पिढी कोवायसे.”

⁸ मतलब डीलोन पुऱ्या परमेश्वरोन पुऱ्या नी होय बाकीन वायदान पुऱ्या पिढीमा गीनाय जातलु छे.

⁹ काहाकि वायदान वचन यो छे “मे इनी टेमो नुसार आवीस एने सारान पुऱ्यु होसे.”

¹⁰ एने निस्तु योत नी बाकीन जेतार रीबका एकासी मतलब आमरू बास इसाहाक गोथी भारीस रोयी.

¹¹ हिमी तोक नी पुऱ्या पोयदा होयला होता, एने नी चे वारलो एने भून्डो कोरला होता; इनान कोरता कि परमेश्वरोन योजना तेरे नेवाळ लेणेन अनसारे छे.

¹² चू कोयू, “मोटलु नानलान सेवा कोरन्यू बोनसे.”

¹³ ओसो लिखलो छे “मे याकुब पोर मोंग कोऱ्यु बाकीन एसाव रीस कोऱ्यु.”

इस्राईलोन मना कोरनो एने परमेश्वरोन नियाव

¹⁴ इनान कोरता आमु काय कोयजे? काय परमेश्वरोनचा अधोरमोन छे कांखुर मायीन नी.

¹⁵ काहाकि चू मुसा काजे कोयलु छे “मे जिना कुदा पोर दया कोरो तिना पोर दया कोरीस, एने जिना कुदा पोर दया कोरणे कोरो तिना पोर दया कोरीस.”

¹⁶ एरेन कोरता यो नि ते चाहणे वावान नी दोवोळने वावान बाकीन दया कोरने वावा परमेश्वरोन वात छे.

¹⁷ काहाकि पवित्र शास्त्रामा फारो काजे कोवाय गोयो “मे तुसे काजे इनान कोरता उबराख्यू कि तारेमा आपनी ताकत देखाळो एने मारे नावोन वारली खोबर आखा जोगोमा होये.”

¹⁸ इनान कोरता चू जिना पोर कोरणेन कोरे तिना पोर दया कोरतेलू छे, एने जीनाक गोवे, “तीना काजे काठलो कोर देतलु छे.”

¹⁹ तुमरे माईन एक जोन मेसेक काजे कोयसे, “ती काहा गुणू लागाळतलु? कून तेरी मोर्जीन आळ कोरतेलू?”

²⁰ हे माणसो भोलेत तू कून छे जू परमेश्वरोन सामना कोरतेलू? काय बोनावली चीज बोनावने वावा काजे कोय सोकतली “तू मेसे काजे ओसो काहा बोनाव्यू?”

²¹ “काय कुमायडाक काजे धुवापोर होक नी होय कि एक धुवाम गोथो एक ठाहरो आदर कोरणे कोरता, एने दिसरा काजे अपमान कोरणे कोरता बोनावे?”

²² जी इनामा काहनली नोवलाय वात छे कि परमेश्वर आपनो रीस देखाळने एने आपनी ताकत देखाळनेन मोर्जीसी रीसोन ठाहरा काजे जे नाशोन कोरता तीयार कोरीन बोनावला होता जुवे धीर धोरीन सोहोन कोरे;

²³ एने दयान ठाहरा पोर, जीनुक चू महिमान कोरीन पेहेले तीयार कोऱ्यु आपना महिमान धोन काजे देखाळनेन मोर्जी कोऱ्यु?

²⁴ बाकीन आमरेपोर जीनुक चू नी बाकीन यहुदिमा गोथा एने, दिसरा जातीमा गोथा.

²⁵ जोसो चू होशेयोन किताबमा बी कोयतेलु “जी मारी प्रजा नी होती तीनु काजे मे आपनी प्रजा कोरिस एने जो मोंगावा नी होता, तीनुक मोंगावा कोरीस.”

²⁶ एने ओसो होयसे कि जिना जागा पोर तीनु काजे यो कोयो होतो कि तुमु मारी प्रजा नी होय तिनी जागे चे जीवतला परमेश्वरोन पुऱ्या कोवायसे,

²⁷ एने यशयाह इस्राईलोन बारामा पुकारू कोरीन कोये कि “चाहे इस्राईलोन पुऱ्या गिनती दोरीयान रेवतो बोराबोर होय ते बी तीनु मायला थुलाक वाचसे.”

²⁸ काहाकि परमेश्वर आपना वचन जोगोमा पुरो कोरीन धारमिकता मा छाटू तीनु काजे पुरो कोरसे.

²⁹ जोसो यशयाह पेहेले बी कोयलु होतु “अगर सेनान प्रभू आमरेन कोरीन काहीन पिढी नी छुळतू ती आपु सदोम सारखा होय जाता एने गोमोरा सरकू गीनाईस.”

इस्राईलोन चालू परीस्तीती

³⁰ आखरी आमु काय कोयजे? यो कि दिसरा जाती बी धारमिकताक नी हेरता होता धारमिकता लीन तीना धारमिकता काजे भुरसासी छे.

³¹ बाकीन इस्राईलोन, जो धोरमोन नियम शास्त्रान हेरता होता तीना शास्त्र नियमतोक नी पुग्या.

³² कालगान कोरता? इनान कोरता कि चे भुरसान नी, बाकीन मानु कामोसी तीनुक हेरता होता. चे तिना ठूकरायला दोगळा काजे ठूकर खादा.

³³ जोसो लिखलो छे देखू मे सियोनमा एक ठेस लागणेन दोगळू एने जू तेरे पोर भुरसू कोरसे चू लाजवाये नी.