प्रकाशित वाक्य 16 - बारेली पावरी

पेहलो वाटको

¹ पोछु मे मंदीरमा गोथू काहनास काजे उचला बुलोमा तीनु सात सोरग दूतो काजे यो कोयतेलो सोमव्यू, “जावू, परमेश्वरोन रीसोन सात वाटक्या काजे कोवी पोर उलटाव दे.”

² आखरी, पेहलू सोरग दूत जायीन तेरी वाटकी कोवी पोर जायीन पोखडी देदू तेत्यार तिना माणसोन, जिंदरे पोर चिल्लान छापा होता एने जो तेरी मूर्तीन पूजा कोरता होता, तिंदरे पोर एक भातीन भुंडलो एने दुख देणे वावु फुडू निकव्यू.

दुसरो वाटको

³ दिसरू सोरग दूत एरो वाटको दोरीया पोर पोखडी देदू, एने चो मोरला माणसोन लुय सारखो होय गोयो, एने दोरीयाम वावा होर एक जीव मोर गोया.

तिसरो वाटको

⁴ तिसरू सोरग दूत तेरो वाटको नोदी एने पाणीन झोरा पोर रेचवी देदू, एने चे लुय बोन गोया.

⁵ तेत्यार मे पाणीन सोरग दूतो काजे यो कोयतेला सोमव्यू, “हे चुखला, जू छे एने जू होतु, तू नियाव कोरन्यू छे एने तू यो नियाव कोरलु छे.

⁶ काहाकि चे चुखला माणसे एने भविष्य कोरतान लुय बोयळा पोर होतो, एने तू हिनुक लुय पिवाळ्यु; काहाकि चे इनान लायक छे.”

⁷ पोछु मे वेदी सी यो बुल सोमव्यू, “होव, हे आखा गोथू ताकत वावा प्रभू परमेश्वर, तारू फेसलू ठीक एने खोरलू छे.”

चौथो वाटको

⁸ चोवथू सोरग दूत तेरो वाटको दाहळा पोर रेचवी देदु, एने हीना माणसो काजे आगठासी झुलसा देनेन होक आपाय गोयो.

⁹ माणसे मोटला तमन्ना सी झुलस गोया, एने परमेश्वरोन नावोन जीनासी झुलसी गोया एने परमेश्वरोन नावोसी, जिनासी इना तोकलीत पोर होक छे बुराई कोऱ्या बाकीन तेरी महिमा कोरनेन कोरता मोन नि फिराव्या.

पाचवो वाटको

¹⁰ पाचवू सोरग दूत आपनो वाटको तिना चिल्लान सिहासन पोर रेचवी देदू, एने तेरा राज पोर आंदारलो होय गोयो, माणसे पिढान वजेसी आपनी-आपनी जीब चावने बाज गोया,

¹¹ एने आपनी पिढा एने फुडान वजेसी सोरगोन परमेश्वरोन बुराई कोऱ्या; बाकीन आपना-आपना कामोसी मोन नि फिराव्या.

सहावो वाटको

¹² साहवू सोरग दूत तेरो वाटको महा नोदी फरात पोर रेचवी देदू, एने तेरो पाणी सुख गोयो कि जूनला वाराण राजान कोरता वाटे तीयार होय जाय.

¹³ एने मे तीना अजगरोन मुयोसी, एने तिना झुटा भविष्य कोरतान मुयोसी तीन भुंडली आत्मा डेटकान रूपोमा निकेवतेलो.

¹⁴ यो निशाणी देखणे वावा भुंडली आत्मा छे, यो आखो जोगोन राजान साथे निकवीन इनान कोरता जातलो छे कि तीनुक आखी ताकत वावु परमेश्वर तीना मोटला दाहळान लोळायीन कोरता एखठा कोरे.

¹⁵ “देख, मे चुटा सारखू आवतेलु छे; सोयावू चू छे जू जागतू रोयतलु, एने आपना छिंदरा तपास कोरतेलु कि उगाडलु नी फिरे, कि माणसे हेरो उगेडला काजे नी देखे.”

¹⁶ एने चे तीनु काजे तिने जागे एखठू कोऱ्यु जो इब्रीमा हर-मगीदोन कोवायतेलो छे.

सातवो वाटको

¹⁷ सातवू सोरग दूत तेरो वाटको वाहवा पोर रेचवी देदू, एने मंदीरोन सिहासन गोथू यो बुल सोमवायो, “होय.”

¹⁸ ओवतेन विजवी चोमकी, एने बुल एने गाज्यो, एने एक ओसो मोटलो भुंकप आयो कि जेतार गोथी माणसोन घोडनो धोरती पोर होयो, तेतार गोथो ओसलो मोटो भुंकप कोबी नि आवलो होतो.

¹⁹ इनासी तिना मोटला सोहोरोन तीन तुकडा होय गोया, एने जाती जातीन गावे पोड गोया; एने मोटला बाबेलोन फोम परमेश्वर काजे आवी कि चू तेरी रीसोन जलजलाहाटोन, आंगुरोन रोस हिनाक पियाळे.

²⁰ एने होर एक टेकळ्या आपने जागे गोथा हाल गोया, एने बोयडान पोतू नि लाग्यू.

²¹ सोरगमा गोथो माणसो पोर मोन-मोन भोरीन मोटला गारा पोळ्या, एने इनान कोरता कि यो सोंकोट जादात भारी होतो, माणसे गारान सोंकोटोन वजेसी परमेश्वरोन बुराई कोऱ्या.