इब्रानियो 12 - बारेली पावरी

धीरोजोन बुलाहट

¹ इना वजेसी जेतार कि गोवा एक ओसो मोटला वादवो आपनुक घेरवी रोयो, ती आवू, आखा रुकने वावी चीजे एने घेरनेवावा पाप काजे छेटा कोरीन, जी दोवोळ जीनामा आपनु काजे दोवळनो छे धीर धोरीन दोवळू.

² एने भुरसान कोरता एने पुरो कोरणे वावा येसु भूनी तुमरी नोजोर लागाळ रोयू, जू तिना खुशीन कोरता जो तेरे ओगोव मेकलो होतो लाजवायनेन चिंता नी कोरीन ख्रुसोन दुख झेल्यू, एने परमेश्वरोन सिहासनोन जेवळे धोळे जायीन बोश्यू.

परमेश्वरोन लारे ताडना

³ इनान कोरता तेरे भूनी मोन लागाळजू तेरा खिलापमा पापीन ओतरो तोकलीत झेल्यू कि तुमु यकीन निराशा होयीन हिंमत नि छुळ देय.

⁴ पापोसी लोळायता जायीन तुमु ओसी लोळायी नी कोऱ्या कि तुमरो लुय वोयलो होय.

⁵ एने तुमु तिना प्रचार काजे जे तुमु काजे पुऱ्यु सोमजीन आपाय गोयू, विसरी गोया, “हे मारा पुऱ्या, परमेश्वरोन तकलिप काजे होलकी वातोमा सोमजू, एने हिमी चू तुसेक झीटकारे ती हिंमत नी हारजी.”

⁶ काहाकि प्रभू जीनासी मोंग कोरतेलू तीना काजे तकलिप बी आपतलु, एने जीना काजे पुऱ्यु बोनाव लेतलू तीना काजे चाबका बी लागाळतलु.

⁷ तुमु दुखो काजे तकलिप सोमजीन वेठ लेयू काहाकि परमेश्वर तुमु काजे पुऱ्यु सोमजीन तुमरे साते व्यहवार कोरतेलू छे, चू कानलु पुऱ्यु छे जिना काजे तेरु बास तकलिप नी आपतलु?

⁸ बाकीन अगर ची दोंड जिंदरी भागीदार होयतेली, तुमरी नी होय, ती तुमु पुऱ्या नी होय बाकीन व्यभिचारोन पुऱ्या ठेहऱ्या.

⁹ एने यो कि जेतार शारीरिक बास बी आमु काजे तकलिप आपतू होतु, आमु तेरो आदर कोऱ्या तेरा काहणी आत्मान बासोनचा ओवी बी साते रोये जीनासी कि आमु जीवतला रोये.

¹⁰ चे ते तिंदरी-तिंदरी सोमोजोन अनसारे थुलाक दाहळान कोरता तोकलीत आप्यू, कि बाकीन चो आमरो भोलायीन कोरीन कोरतेलू छे, कि आमु तेरा चुखलायमा सहभागी होय जाजे.

आत्मिक जीवन ताकतोन नवलो होयनो

¹¹ आखा भातीन तोकलीत चालू टेमोमा सुखोन नी होय बाकीन दुखोमा रोयतली छे; ते बी जू इनान लारे परीक्षामा गोथू निकवी गोयू ती तीनु काजे बादमा धोरमोन शांती लायक फोव जोळ जातलो.

¹² इनान कोरता ढील्ला हात एने कोमजुर घटना काजे सुदा कोरु.

¹³ एने आपना पायोन कोरता सुदी वाट बोनावू, जीनासी कि जू लेंगळू छे भोटकी नी जाय बाकीन वारू आरगु होय जाय.

¹⁴ आखा माणसो साते मेवीन रोयू, एने तीना चुखला हेरने वावा बोनु जेरे विगुर प्रभू काजे कुदुबी नी देख सोके.

¹⁵ ध्यानसी देखता रोयू कि कुदू परमेश्वरोन दयासी छेटू नी रोय जाय, नीती कुदु कोळोवालो थुळ फुटीन तोकलीत आपे, एने लारे घोना सोवटा माणसे भुंडली होय जाय.

¹⁶ तुमरेन गोथू काहनुबी माणूस भुंडलु एने एसाव सारखु नी रोये जू एक कावा खाणान कोरता आपना पेहेला पुऱ्यान होक वेच देदु.

¹⁷ तुमुक मालूम छे कि तेरे ओवतेन जेतार चू आशिष लेनेन कोऱ्यु ती लायक नी ठेहऱ्यु एने आसा वोयाळीन हेरनेपोर बी तीना काजे पसतावू कोरणेन टेम तोक नी जोळी.

¹⁸ काहाकि तुमु तिना बोयळांचा नी आव्या जीना काजे हात लागाळ सोके, एने नी विजावी नी आंदारो, नी आंदारो धूप एने नी आंजी साते.

¹⁹ एने नी तुमु तुरही आवाज एने नी बुलने एने आवाजोनचा आव्या जे सोमवने वावा विनता कोऱ्या कि एने ओगोव ओसलु आवाज नी सोमवायतू जुवे.

²⁰ काहाकि चे तिनी आग्या वेठ नी सोक्या “अगर काहनुस जोनावर बी बोयळा काजे छिमे ती तीनाक दोगळाटे.”

²¹ यो नोजारू ओतरु भयानक होतु कि मुसा कोयू “मे जुदु काम बिह गोयू एने कापतू होतु.”

²² बाकीन तुमरे साते सियोन बोयळानचा जीवतला परमेश्वरोन सोहोर सोरगोन यरुशलेमोन धोळे एने लाखो सोरोग दूत लिखलो छे एने आखान नियाव कोरन्यू परमेश्वर एने तीयार कोरला धोरमीन आत्मान ओगोव.

²³ एने महासभा एने तीनु पेहेला पुऱ्यान मंडवीनचा जेरो नाव सोरगोमा लिखायली छे, एने आखान नियाव कोरन्यू परमेश्वर एने तीयार कोरला धोरमीन आत्मान ओगोव.

²⁴ एने नोवला वायदान अगवू येसुन एने छिळकनेन तिना लुयोनचा जो हाबिलोन लुयोन नियाव कोरन्यू परमेश्वर एने तीयार कोरला धोरमीन आत्मान ओगोव.

²⁵ सावधान रोयू एने तीना बुलने वावान इनकार मा कोरु काहाकि जेतार चे माणसे धोरती पोर चेतावनी आपनेवावान नी सामने सारखा वाच जाय ती सोरगोमा गोथी चेतावनी आवने वावान नी सोमवला सारका कोरीन कोदि बी नी वाच सोके.

²⁶ तिनी टेमे तेरु ओवाज धोरती काजे हालवी देदो, बाकीन हिमी चू यो कोयीन वायदू कोरलु छे “एक कावा एने मे निस्तु धोरती काजे नि बाकीन सोरगो काजे बी हालवी दिस.”

²⁷ एने जी वात एक कावा एने “तीनु चीजो काजे छेटा कोरणेन कोरिस नी जाय सोके ची बोनली रोये.”

²⁸ आखरी, जेतार आमु काजे ओसलो राज जोळनेपोर पाको छे, ती आवू आपु मजबूत रोयीण आदर एने बिकोमा परमेश्वरोन ओसी आराधना कोरे जू तीना काजे पसंद छे.

²⁹ काहाकि आमरू परमेश्वर (भस्म) धोपाळ देणेवावी आगठी सारखु छे.