गलातियों 4 - बारेली पावरी

येसु मसिहमा परमेश्वरोन आजाद पुऱ्या

¹ मे यो कोयो कि वारीस जेतार तोक पुऱ्युत छे, ओगर आखा चीजोन मालिक छे, ते बी तेरेमा एने दासमा काय फरक नि होय.

² बाकीन बासोन ठेरावला टेमे तोक राखवाव्या एने कारभारीण हातोमा रोयतलु छे.

³ तोसोत आमु बी, जेतार पुऱ्या होता ती जोगोन पेहेली शिक्षान ताबाम रोयीण गुलाम बोनला होता.

⁴ बाकीन जेतार टेम पुरी होय गोयी ती परमेश्वर आपना पुऱ्या काजे मूकल्यु जू बायरा गोथू जन्मो लेदू एने नियम शास्त्रान तेरे हातोन बोनलु छे.

⁵ काहाकि नियम शास्त्रान हातोम वावाक मुले लीन छुळवी लेवू एने आमु काजे सेवेत्र्यु लेनेन जोळसे.

⁶ एने तुमु जा पुऱ्या छे एरेन कोरता परमेश्वर आपना पुऱ्यान आत्मा काजे, जो छे हे अब्बा, हे बास कोयीन आयेळतेलु; आमरा मोनमा मूकल्यु.

⁷ एरेन कोरता तू हिमी दास नी होय, बाकीन पुऱ्यु छे; एने ओवी जेतार पुऱ्यु होयू ती परमेश्वरोन लारे वारीस होय गोयू.

मंडवीन कोरता पौलुसोन चिंता

⁸ पेहेले ते तुमु परमेश्वर काजे नी उवखीन तिंदरा दास होता जे स्वभावोमा परमेश्वर नी होय,

⁹ बाकीन हिमी जो तुमु परमेश्वर काजे उवखी लेदू तेत्यार परमेश्वर तुमु काजे उवखसे, तेत्यार तिना कमजुर एने बिना कामोन एने शिक्षान वाते कोऱ्या एने काहा कोरतेला, जिनान तुमु दुय कावार दास होयने मोर्जी कोरतेला.

¹⁰ तुमु दाहळान एने ओवी मोहनान तीहीवारोन काव एने साल काजे पावतला.

¹¹ मे तुमरा बारामा बिहतेलु, कोबी ओसो नी होयलो, कि जो मेहनत मे तुमरेन कोरता कोऱ्यु ची बिना कामोन ठेहरसे.

¹² हे भाशो मे तुमु काजे विनता कोरो, कि तुमु मारे सारखा बोन जावू; काहाकि मे बी तुमरे सारखू बोन गोयलु छे; तुमु मारो काहीन बिगाळ्या नी.

¹³ बाकीन तुमु काजे मालूम छे कि पेहेले मे डीलोन कोमजूरीन वजेसी तुमु काजे वारली खोबर सोमवाळ्यु.

¹⁴ एने तुमु मारा डीलोन हाल काजे जो तुमरे पारखन वजा होता नी चो सोमज्या; नी चे धिक्कार कोऱ्या; एने परमेश्वरोन दूत मतलब खुद येसु मसिहन सारकु मेसेक मान लेदू.

¹⁵ ती तुमरी खुशी मोनावनो का गोयो? मे तुमरू गोवा छे कि ओगर होय सोके ती तुमु तुमरा डूवा बी निकावीन आप सोकतला.

¹⁶ ती काय तुमरेसी खोरलो बुलनेसी मे तुमरू दुष्मोन बोन गोयू.

¹⁷ ती काय तुमरे साते दोस्त बोनावने ते कोरता होता बाकीन वारला मोनोसी नी बाकीन तुमु काजे ओलोग कोरणे वावा होता कि तुमु तीनु काजे दोस्त बोनावू बाकीन वारला उद्देशसी नी.

¹⁸ बाकीन यो बी वारलो छे कि वारला रितीसी होर एक टेम दोस्त बोनावनेन कोशिश कोराय जाय नीती तिनी टेमोन, जेतार मे तुमरे साते रोयो.

¹⁹ हे मारा पुऱ्या जेतार तोक तुमरो मोन मसिहन सारखो मोन नी बोने तेत्यार तोक मे तुमरेन कोरीन ओवी दुख सोहोन कोरतेलू छे.

²⁰ मोर्जी ते जी होयती होती कि हिमी तुमरेनचा आवीन दिसरे भातीन कोयो, काहाकि तुमरे बारामा मे ओळचनमा छे.

दुय वायदा: सारा एने हागार

²¹ तुमु जे शास्त्रनियमोन अधीन होयने कोर रोया ती मेसे काजे देखलू काय तुमु शास्त्रनियमोक नी सोमवता.

²² यो लिखलो छे कि अब्राहाम काजे दुय पुऱ्या होता, एक नोकरानिसी, एक तेरी बायोर सी.

²³ बाकीन जू नोकरानिसी होयू चू डीलोन रितीसी पोयदा होयू एने जू तेरी लाडीसी होयू, चू वायदान अनसारे होयू.

²⁴ इनी वातोमा दाखलू छे ये बायरा जोसा दुय वायदा छे एक ते सिनाय बोयळा पोर गोथो जेरेसी गुलामुत पोयदा होयता होता एने ची हागार छे.

²⁵ एने हागार जोसी अरब सिनाय बोयळू छे, एने ची हिमीन हिमी यरुशलेमेन जूळीन छे ची आपना पुऱ्या पारी साते गुलाम गिरीमा छे.

²⁶ बाकीन उपोरली यरुशलेम छुटकारू छे एने ची आमरी आस छे.

²⁷ काहाकि लिखलो छे, “हे वांझ तुसेक पुऱ्या नी होये ते बी खुशी कोर तुसेक पोखळायनेन तोकलीत नी होयतेली, नीती तू खुशीमा जयघोष कोर; खुशीमा आयळ काहाकि जिनी काजे लाडूस छे तेरा पुऱ्या गोथो आस छुळ देदला बायराण पुऱ्या घोन सोवटा छे.”

²⁸ हे भाशो इसाहाकोन तोसो वायदान पुऱ्या छे.

²⁹ एने जोसो तिनी टेमे डीलोन अनसारे पोयदा होयलो, आत्मान अनसारे पोयदा होयला काजे तोकलीत आपतू होतु तोसोत हिमी बी होयतलो.

³⁰ दासी एने तेरा पुऱ्या काजे निकाव देवू, काहाकि दासीन पुऱ्यु आजादिन बायरोन पुऱ्या साते बाकीन पवित्र शास्त्र काय कोये?

³¹ इनान कोरता हे भाशो, आपनु नोकरानिन नी बाकीन बायराण पुऱ्या छे.