2 कुरीन्थियो 5 - बारेली पावरीआपनो सोरगो मायलो घोर 1 काहाकि आमु काजे मालूम छे कि जेतार आपनो धोरती पोर मोंडप सारखो घोर पाळाय जासे ती आपनुक परमेश्वर तोरोफसी सोरगोमा एक ओसो घोर जोळसे जो हाते कोरीन बोनावलो घोर नी होय बाकीन ओमोरकाईन छे. 2 इनामा ते आपु कुरकुर एने मोटी लालच राखतला कि आपना सोरगोन घोर काजे पेहेर लेये. 3 कि एरे पेहेर लेणे सी आपनु आखा उगाळला नी देखायनु जुवे. 4 एने आपनु इना मोंडपमा रोयता जायीन भारोसी दाबाईन फासता रोयतला काहाकि आपु निकावने नी बाकीन ओवी पेहेरनेन कोरता, काहाकि जो मारा जीवनोमा डूब जाय. 5 जू आपनु काजे इनी वातोन कोरता तीयार कोरतेलू छे चू परमेश्वर छे जू आपुक मोकवोन आत्मा आपलु छे. 6 एने आपनु हमेशा हिंमत बांधीन रोयतला एने यो जानतला कि जेतार तोक आपु डीलोमा रोयतला छे तेत्यार तोक प्रभूसी ओलोग छे. 7 काहाकि आपु रूप देखीन नी बाकीन भुरसू काजे देखीन चालतला. 8 इनान कोरता आपु हिंमतोन बांधीन रोयतला एने डीलो गोथो ओलोग रोयीण प्रभू साते रोयनेन ओवी बी वार सोमोजतेला. येसुन नियावोन जागू 9 इनान वोजेसी आपना मोनोन मोर्जी छे कि अगर साते रोये-नीती ओलोग रोये बाकीन आपनु तीनाक लेता रोयू. 10 काहाकि गोरोजोन छे कि आपना आखान हाल मसिहन नियावोन खुर्ची ओगोव उगळी जासे कि होर एक जोन आपना-आपना वारलो, भुंडला कामोन बोदलु जू चू डीलोन लारे कोरला होय जाय. परमेश्वर सी मेल भेसकायनेन सेवा 11 इनान कोरता प्रभून बिक धोरीन आपना माणसो काजे सोमजाडतेलु; बाकीन परमेश्वर पोर आपनो हाल सामने छे, एने मारी आस जी छे कि तुमरा विवेक बुद्धीपोर बी सामने आव्यो होसे. 12 आमु तेरी आपनी बोढाई तुमरे सामने नी कोरतेला बाकीन आमु आमरा बारामा तुमु काजे मोटाय कोरणेन मोकू आपतला कि तुमु तीनु काजे तुमु तीनु काजे जोवाब आप सोके, जे मोनोपोर नी बाकीन बोनावली वातो पोर मोटाय कोरतेला. 13 ओगर आपनु बेशुद्ध छे ती परमेश्वरोन कोरता, एने ओगर सुद्धी पोर छे ती तुमरेन कोरता छे. 14 काहाकि मसिहन मोंग आपनु काजे मजबूर कोर देतलो छे, इनान कोरता कि आपनु यो सोमोजतेला कि जेतार एक आखान कोरता मोऱ्यु ती आखा मोर गोया. 15 एने चू इना वोजेसी आखान कोरता मोर गोयू कि चू जीवतलु छे चे ओगोव आपनेन कोरता नी जीवे बाकीन तिनान कोरता जू तिंदरेन कोरता मोऱ्यु एने पोछु जीव उठ्यू. मसिही मा नोवली बनावट 16 आखरी, हिमी गोथा कुदा काजे डीलोन अनसारे सोमजी रोया होता अगर आपु मसिह काजे बी डीलोन तोसा जानता होता ते बी हिमी गोथा हिना काजे तोसो नी जाने. 17 इनान कोरता अगर कुदू मसिहमा छे ती चा नोवला पोयदाईश छे, जूनला वाते जाता रोया देखू आखा वाते नोवला होय गोया. 18 जे आखा वाते परमेश्वर तोरोफसी छे, जू मसिहन लारे आपने साते आपनो हिव मेवीन कोर देदु, हिव मेवीन सेवा आपनु काजे आप देदलु छे. 19 मतलब परमेश्वर मसिहमा रोयीण आपने साते जोगोन हिव मेवीन कोर देदू, एने तिंदरा गुणा काजे तीनु पोर नि लागाळयू, एने चू हिव मेवोन वचन आपुक आप देदू. 20 इनान कोरता आपु मसिहन राजदूत छे; माणू परमेश्वर आपनेन कोरता विनता कोर रोयू, आपु मसिहनचा विनता कोरतेला कि परमेश्वर साते हिव मेवीन कोर लेये. 21 जू जीनाक पाप मालूम नि होतो, चू आपनेन कोरता पाप गीनायो कि आपु तिनामा रोयीण परमेश्वरोन धारमिकता बोन जाय. |
Bareli Pauri (बारेली पावरी) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation