1 कुरीन्थियो 16 - बारेली पावरीयरुशलेमेन मंडवीन कोरता दान 1 हिमी तिना दानोन बारामा जो चुखला माणसोन कोरता कोरतेला जोसी आग्या मे गलातिन मंडवी काजे आप्यू, तोसात तुमु बी कोरु. 2 होर हाप्तान पेहेले दाहळे तुमरे मायला होर एक आपनी कोमायीन पोयशान अनसारे काहीन आप्या कोरसू ती मारा आवने पोर दान नि कोरनो पोळे. 3 एने जेतार मे आवीस, ती जीनाक तुमु काजे लागे तीनाक मे चिट्ठी आपीन मुकली दिस कि तुमरो दान यरुशलेममा पुगाळ दे. 4 एने मारो बी जाणो उचित होयो, ती चे मारे साते जासे. यात्राण कार्यक्रम 5 मे मकीदुनीया जायीन तुमरेनचा आवीस, काहाकि मेसेक मकीदुनीया माईन जाणोत पोळसे. 6 बाकीन होय सोकतलो कि तुमरेन चात रोय जाम एने सेव्वान दाहळा तुमरेनचा निकावीस, ओवतेन मेसे काजे जा जाणो छे चा मेसे काजे पुगाळ देजू. 7 काहाकि मे हिमी वाटी पोर तुमरे पुठी मेवायने नी हिंडतू; बाकीन मेसेक आस छे कि कोबी प्रभूक जुवे ती काहीन टेमे तोक तुमरे साते रोयीस. 8 बाकीन मे पेन्तिकुस्तोन इफिसमा रोयीस, 9 काहाकि मारेन कोरता चा एक मोटलो एने कामोन झोपलु उगाळलु छे, एने दुष्मोन जादात छे. 10 कोबी तीमथी आव लागे, ती देखजू कि चू तुमरेनचा हिंमतसी रोये; काहाकि चू मारे सारखू प्रभून काम कोरतेलु छे. 11 इनान कोरता कुदू तीना काजे विटव सोमजता झुनी, बाकीन तीनाक खुशीमा इंखुर पुगाळ देजू कि मारेंचा आव लागे काहाकि मे तेरी वाट जुव रोयु कि चू भाशो साते आवे. 12 भाशो अपुल्लोस काजे मे जुदु रावन्या कोऱ्यु कि तुमरा भाशो साते जाय; बाकीन चू इनी टेमे जानेन कायबी मोर्जी नि कोऱ्यु, बाकीन जेतार टेम जोळसे तेत्यार आव लागसे. आखरी आदेश 13 जागता रोयू, भुरसामा पाका रोयू, माणसो सारखा रोयू, ताकत वावा बोनु. 14 जो काय कोरु मोंगसी कोरु. 15 हे भाशो, तुमु स्तेफनोन घोराना काजे जानतला छे कि अखायान पेहेलो फोव छे, एने चुखला माणसोन सेवान कोरता तीयार रोयतला छे. 16 इनान कोरता मे तुमु काजे विनता कोरो कि तुमु ओसलान अधीन रोयू, बाकीन होर एक जो इना कामोमा मेहनत वावा एने सोहोकारी छे. 17 मे स्तेफन एने फूरतूनातूस एने अखइकुसोन आवनेसी खुश छे, काहाकि चे तुमरी कोमी काजे पुरो कोरला छे. 18 चे मारी एने तुमरी आत्मा काजे आराम आपला छे, इनान कोरता ओसला काजे माणू. सिक 19 आसियान मंडव्या भूनी गोथो तुमु काजे नमस्कार; अक्कविल्ला एने प्रीस्कील्लान एने तिंदरा घोरोन मंडव्या बी तुमु काजे प्रभूमा नमस्कार. 20 आखा भाशोन तुमु काजे नमस्कार चुखला गुवासी आपोसमा नमस्कार कोरु. 21 मे पौलुस खुदोन हाते लिखलो नमस्कार. 22 कोदि कुदु प्रभूसी मोंग नी राखे ती चू शापित होये. हे आमरा प्रभू, आव. 23 प्रभू येसुन दया तुमरे पोर होयती रोये. 24 मारो मोंग मसिह येसुमा तुमरे आखा साते रोये. आमेन. |
Bareli Pauri (बारेली पावरी) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation