Yoube 25 - GODE EA SIA: IDA:IWANE GALA

¹ Bilida:de da amane sia:i,

² “Gode da gasa bagadedafa! Dunu huluanedafa da Ema beda:mu da defea. E da Ea Hebene Hinadafa Hou olofolewane ouligilala.

³ Dunu afae da a:igele dunu amo da Ema hawa: hamonana, amo idima:ne, dunu afae da defele esalala:? Hame mabu! Soge afae amoga Gode Ea hadigi amoga hame diga:i da ganabela:? Hame mabu!

⁴ Dunu afae da Ea siga ba:ma:ne, moloidafa esalabala? Hame mabu!

⁵ Gode Ea siga ba:ma:ne, oubi amolawane da gugumi gala. Amola gasumuni da fofoloi hame ba:sa.

⁶ Amaiba:le, E da osobo bagade dunu habodane ba:ma:bela:? Dunu da daba: amola sage agoai ba:sa. Gode Ea siga ba:sea, dunu ea esalusu da haboda:i ganabela:?”