Yoube 23 - GODE EA SIA: IDA:IWANE GALA

¹ Yoube da amane sia:i,

² Na da mae yolele, Godema egasa amola lelesu hou hamosa. Na da gogonomosa sia: yolemu hamedei.

³ Na da E ba:musa: hanai galebe. Na da Ea esalebe sogebiga dawa:mu hanai. Be na da logo hame dawa:.

⁴ Na da E ba:loba, na da Ema fofada:la:loba. Amola na hou gaga:la:loba.

⁵ Na da Ea nama adole imunu dawa:mu hanai gala.

⁶ Gode da Ea gasa huluanedafa amoga na banenesima:bela:? Hame mabu! E da na sia:sea, nabimu.

⁷ Na da moloidafa! Na da Ema gegene sia:musa: dawa:! E da na da moloidafa dafawane sia:mu.

⁸ Na da gusudili hogoi helei. Be amogawi Gode hame ba:i. Na da guma:dini hogoi helei. Be amogai Gode hame ba:i.

⁹ Gode da ga (south) amola ga (north) hawa: hamosu. Be amogawi amolawane na da E hame ba:i.

¹⁰ Be Gode da na osa:le gagabe huluane dawa:. E da na hou adoba:sea, na hou moloidafa fawane ba:mu.

¹¹ Na da mololedafa Ea ilegei logo amoga bobogesa. Na da la:idili, la:idili, gigiadofale hame ahoa.

¹² Na da eso huluane ea hamoma:ne sia:i amo hamonana. Na da ni hanaiga hame, be Ea hanaiga hamonana.

¹³ E da afadenesu hame dawa:. Dunu afae da E gua:mu hamedei. Dunu afae da Ea hamomu hanai hedofamu hame dawa:.

¹⁴ Ea ilegesu da bagohame gala. Amola E da na esaloma:ne ilegei amo defele hamone dagomu.

¹⁵ Na da Ea midadi beda:ga yagugumu!

¹⁶ -

¹⁷ Gode Bagadedafa da na nimi wadela:lesi dagoi. Gasi da na si wadela:lesi dagoi. Be na da gasiba:le hame beda:i. Na da Godeba:le beda:i.