Gesami Hea:su 91 - GODE EA SIA: IDA:IWANE GALA

Nini Gaga:su Gode

¹ Nowa da Hina Gode Ea gaga:ma:ne masunusa: dawa:sea, amola nowa da Bagadedafa Ea gaga:su amoha esalumusa: dawa:sea,

² ilia da Ema agoane sia:musa: dawa:, “Di da na gesu amola na Gaga:sudafa! Di da na: Gode! Na da Dima fawane dafawaneyale dawa:le, lalegagusa!”

³ Hina Gode da se nabasu, bogosu, olo bagade amola fa:no misunu wamo dialebe huluane dima doagasa:besa:le, amoga di gaga:mu.

⁴ E da di Ea ougia amoga usilimu, amasea di da Ea gene gaga:i ba:mu amola Ea didili hamosu hou amoga di da gene gaga:i ba:mu.

^5-6 Di da gasia se nabasa:besa:le beda:su amo hame ganumu amola ha yoga hedolole se nabasu hame ba:mu, amola gasi ganodini se nabasu bagade doaga:su hame ba:mu, amola ha yoga doagala:su hame ba:mu. 10,000

⁷ Dunu bagohamedafa10,000 agoane da dia guga gala:lasa:ili bogogia:i dialebe ba:sea, be di da hame wadela:lesi ba:mu.

⁸ Di da ba:le gale ba:sea, wadela:i hou hamosu amoma se bidi i hou amo ba:mu.

⁹ Di da Hina Gode Baligili Bagadedafa amo dia Gaga:su hamoi dagoi.

¹⁰ Amaiba:le se nabasu amoga da di hame fane legemu, amola gegene susugudasu da dia diasua hame misunu.

¹¹ Hina Gode da di habodili ahoasea ouligilaloma:ne, Ea a:igele dunu dima asunasimu.

¹² Ilia da dia emo gele damana dabagala:sa:besa:le, ilia loboga di da:mu.

¹³ Di da laione wa:me gasa bagade amola sania amo gasonasea bogosu liligi galebe, amo huluane banene osa:gilisimu.

¹⁴ Gode da amane sia:sa, “Na da dunu Nama hanabe amo fawane gaga:mu, amola Na da ilia Hina Gode, amane dawa:digibi amo fawane Na da gaga:mu.

¹⁵ Ilia da Nama wele sia:sea, Na da ilima dabe adole imunu. Se nabasu da ilima doaga:sea, Na da ili amola gilisili esalumu. Na da ili gaga:mu amola ilima nodone sia:mu.

¹⁶ Na da ilima fifi ahoanusu sedadedafa bidi imunu. Na da ili gaga:mu”