Gesami Hea:su 82 - GODE EA SIA: IDA:IWANE GALA

Gode Da Ouligisu Bagadedafa

¹ Gode da hawa: hamosu amo ganodini Ea ouligili hawa: hamomusa: dawa:sa, amola ‘gode’ dadalei amo ganodini Ea ilegei sia: amane sia:sa,

² “Dilia ogogole fofada:su hou yolesima, amola wadela:i hamosu dunuma afaididisu hou yolesima.

³ Hame gagui dunu amola guluba: mano ilia dafawanedafa lamusa: dawa:i lama:ne fidima amola fidisu hamedei dunu amola hahani dunu huluane defele, dilia fidima.

⁴ Wadela:i hou hamosu dunu amo da ilia gasaga hanani amola hame gagui dunu amo banenesisa:besa:le, dilia gaga:ma

⁵ “Dilia da gagaoui dunu! Dilia da wadela:idafa! Dilia da dafawanedafa dafaiba:le amola moloidafa fofada:su, dilia da osobo bagade amoma afafai.

⁶ Na da sia:sa, ‘Dilia da ‘gode’ esala! Dilia huluane da Baligili Gadodafa Gode amo Ea manolali.

⁷ Be dilia da osobo bagade dunu defele bogogia:mu. Dilia da hina bagade ea mano bogobe amo defele bogomu.”

⁸ Gode! Di misa! Amalu osobo bagade huluane Dia ouligima! Bai fifi asi gala huluane da Dia: fawane.