Gesami Hea:su 67 - GODE EA SIA: IDA:IWANE GALA

Nodone Gesami Hea:le Iasu

¹ Gode! Ninima olofosu hou amola hahawane iasu hou ima. Ninima asigili ba:ma!

² Amasea, osobo bagade fifi asi gala huluane da Dia hanai amo dawa:mu. Amola ilia huluane da Dia gaga:su hou dawa:mu.

³ Gode! Osobo bagade fifi asi gala dunu huluanedafa, ilia da Dima nodone sia:mu da defea.

⁴ Osobo bagade fifi asi gala huluane da hahawane nodone gesami hea:mu da defea. Bai Dia da ilima fofada:su moloidafa hamosa. Amola Di da fifi asi gala huluane amo ilia ahoabe logo ilima olelesa.

⁵ Gode! Osobo bagade fifi asi gala dunu huluanedafa, ilia da Dima nodone sia:mu da defea.

⁶ Ninia soge da ha:i manu gamima:ne denesi dagoi. Ninia Gode da ninima hahawane hamoi dagoi.

⁷ Gode da ninima hahawane hamoi dagoi. Dunu huluanedafa habi esalebe Ema nodomu da defea.