Gesami Hea:su 60 - GODE EA SIA: IDA:IWANE GALA

Gaga:su Lama:ne Sia:ne Gadosu

¹ Gode! Di da nini higale, nini hasali. Di da ninima ougi galu. Be wali ninima bu beba:ma!

² Di da soge fogoma:ne hamoi amola Di da soge damuni, a:lesi. Soge da agele sa:imu gadeneiba:le, ea fa:ginisi amo uhinisima.

³ Dia hamobeba:le, Dia fi da se bagade naba. Ninia da adini ba:i dunu defele, amane gigiawasa ahoa.

⁴ Di da dunu Dima beda:be, ilima diwaneya udidibi amo mae ba:ma:ne sisai dagoi.

⁵ Dia gasa bagade amoga nini gaga:ma! Dunu amo da Dia dogolegei, ilia da gaga:su ba:ma:ne, ninia sia:ne gadosu amoma dabe adole ima.

⁶ Ea hadigi sogebi amogainini, Gode da amane sia:i “Na da hasalasili, Siegeme moilai bai bagade amola Sagode Fago amo alalo hahamone, huluane momogili Na fi dunuma imunu.

⁷ Gilia:de da Na:. Ma:na:sa amola da Na:. Ifala:ime da Na dialuma figisu amola Yuda da Na Hina Bagade Dagulu.

⁸ Be Na da Moua:be amo na lobo dodofesu ofodo hamomu. Amola Na da Idome amo Ni lai dagoi, amo enoga dawa:digima:ne, Na da emo salasu gisa:le, Idomema galagamu! Filisidini dunu da Nama bagadewane hasalasibiba:le, Nama ha:gi wele sia:su hamomu, ilia da dawa:bela:? Amane hame!”

⁹ Gode! Nowa da na oule, gasa bagade gagili sali moilai fi amoga heda:ma:bela:? Nowa da na sigi aligili, Idome amoga masa:bela:?

¹⁰ Di da dafawane nini higale fisiagabela:? Di da ninia dadi gagui dunu ilima gilisili mogodigili gadili masa:bela:?

¹¹ Ninima ha lai dunu da nini hasalasa:besa:le, Dia nini fidima. Bai osobo bagade dunu ilia fidisu da hamedeidafa gala.

¹² Gode da ninimagasea, ninia da ili hasalasimu. E da ninima ha lai dunu ili hasalimu.