Gesami Hea:su 43 - GODE EA SIA: IDA:IWANE GALA

Mugululi Asi Dunu ea Sia:ne Gadosu (Gesami Hea:su 42 amoga alolofela asi)

¹ Gode! Na da moloidafa dunu, amo Di sia:ma! Ogogole amola wadela:i hamosu dunu da nama diwaneya udidisa. Be Dia na gaga:ma.

² Di da na gaga:su! Be Dia da abuliba:le na yolesila:? Na da abuliba:le nama ha lai dunu ilia nimi bagade wadela:i hamobeba:le se nabawane esaloma:bela:?

³ Dia dafawanedafa hou amola hadigi hou amoga Dia na oule ahoanoma:ne iasima! Dia na Dia sema agolo Saione amola Dia Debolo Diasu (amo ganodini Di da esala), amoga na bu oule misa!

⁴ Amasea, Gode, na da Dia oloda amoga masunu. Bai Di fawane da na hahawane hou, amo ea bai gala. Gode, na Gode! Na da na sani baidama dumu amola Dima nodone gesami hea:mu.

⁵ Na da abuliba:le baligili da:i diobela:? Na da abuliba:le dogo se nabawane esalala:? Na da Godema dafawane hamoma:beyale dawa:mu. Na da bu enowane Ema nodone sia:mu. Bai E da na Gaga:sudafa amola na Godedafa.