Gesami Hea:su 21 - GODE EA SIA: IDA:IWANE GALA

¹ Hina Gode! Hina bagade da hahawane gala. Bai Di da ema gasa iabeba:le. Di da ema hasalasu hou iabeba:le, e da hahawane nodosa.

² Dia, ea dogoga hanai liligi amo ema i dagoi, amola ea Dima adole ba:i, amo Di ema i dagoi.

³ Dia ema nodosu liligi bagade gaguli misi, amola habuga gouliga hamoi amo ema figisi.

⁴ E da esalusu Dima adole ba:i. Amanoba, Di da osobo bagadega sedagili esaloma:ne ema i.

⁵ Dia da e noga:le fidibiba:le, ea hadigi da bagade amola dunu eno da ema nodosa.

⁶ Dia ema hahawane dogolegele hou da eso huluane dialumu. Amola Di da ema gadenene esalebeba:le, e da hahawane bagade.

⁷ Hina bagade da Hina Gode Bagadedafa Ea hou dafawaneyale dawa:le, lalegagusa. Hina Gode da ema mae yolele, asigiba:le, e eso huluane gaga:i esalumu.

⁸ Hina bagade da ea ha lai dunu huluane gagumu, amola Ema higa:i ba:sea, amo huluane gagulaligimu.

⁹ Hina Gode masea da, ili huluane lalu helowa:i bagade agoane amoga nene, wadela:lesi dagoi ba:mu. Hina Gode ea ougi amoga ili medole legele, laluga nene sa:i dagoi ba:mu.

¹⁰ Iligaga fi afae da hamedafa esalebe ba:mu, amola hina bagade, ea ili huluane medole legemu.

¹¹ Ilia asigi dawa:su ganodini ilegele, Godema hasalasimusa: dawa:lala, be amomane ilia da Ema hame hasalasimu.

¹² E da, Ea dadiga gala:le, ili sesele, amalu ilia sinidigili hobeale masunu.

¹³ Hina Gode! Dia gasa bagade ba:beba:le, ninia Dima bagade nodosa. Ninia da Dima nodone gesami hea:le, dia gasa bagade hou gaguia gadomu.