Gesami Hea:su 142 - GODE EA SIA: IDA:IWANE GALA

Godea Fidima:ne Sia:ne Gadosu

¹ Na da Hina Godema fidima:ne wele sia:sa. Na Ema edegesa.

² Na da:i dione Ema egane iaha. Na se nabasu huluane Ema olelesa.

³ Na da hamomu hamedei galea, yolesimusa: dawa:sea, E da na hamoma:ne dawa: olelesa. Logo na ahoabega, amogai wadela:i hamosu dunu ilia da na sa:ima:ne, wamo sanisisa.

⁴ Na ba:le gasea, na fidisu amola gaga:su eno hame ba:sa. Dunu eno da na hame gagagulasa.

⁵ Hina Gode! Na da Dia fidima:ne digini wele sia:sa. Hina Gode, Di da na Gaga:su Gode. Na fifi ahoanebe amo ganodini, na da Di fawane hanai gala.

⁶ Na digini wele sia:be nabima! Bai na da baligili da:i dione heawini gala. Na ha lai dunu da na hasalasa:besa:le, Dia na gaga:ma. Ilia gasa da na gasa baligi dagoi.

⁷ Na se nababeba:le, Dia na hohogilisima! Amasea, na da dunu ilia gilisisu ganodini, Dima nodomu. Bai Di da nama noga:idafa hou hamonana.