Gesami Hea:su 130 - GODE EA SIA: IDA:IWANE GALA

Fidima:ne Sia:ne Gadosu

¹ Hina Gode! Na da baligiliwane da:i dione heawini esalebeba:le, Dima wele sia:sa!

² Hina Gode! Na digini wele sia:be nabima! Na fidima:ne wele sia:be nabima!

³ Di da ninia wadela:i hou hamoi huluane dedene legei ganiaba, ninia huluanedafa da se imunusa: fofada:la:loba.

⁴ Be Di da ninima gogolema:ne olofosu hamosa. Amaiba:le, ninia Dia midadi nodone bebeda:iya lelumu da defea.

⁵ Na da Hina Gode Ea fidisu nama misa:ne hanaiwane ouesala. Amola na da Ea sia: dafawaneyale dawa:sa.

⁶ Na da Hina Gode Ea fidisu ba:musa: hanaiba:le ouesalebe, amo da sosodo aligisu dunu da hehebolo misa:ne hanaiba:le ouesalebe, amo baligisa.

⁷ Isala:ili fi dunu! Hina Gode Ea hou dafawaneyale dawa:ma! Bai Ea asigidafa hou da hamedafa fisisa. E da eso huluane dili gaga:mu hanai gala.

⁸ E da Ea fi Isala:ili dunu, ilia wadela:i hou hamobe amoga mae gugunufinisima:ne, ili gaga:mu.