Gesami Hea:su 129 - GODE EA SIA: IDA:IWANE GALA

Isala:ili Fi Dunu ilia Ha lai Hasalasima:ne Sia:ne Gadosu

¹ Isala:ili fi! Dia ha lai da di ayeligia amogainini dima se bagade iasu. Amo hou adodoma.

² “Dafawane! Na ayeligia amoganini, nama ha lai dunu da dodona:giniwane nama se bagade iasu. Be ilia na hame hasalasi.

³ Ilia da na baligia oso dogone fofa:gi. Na baligi da osobo gidinasuga dogoi agoai ba:i.

⁴ Be Hina Gode da moloidafa amola E da na halegale masa:ne hamoi dagoi.”

⁵ Dunu huluane amo da Saione Moilai Bai Bagade higasa, ilia da hasali dagoiba:le baligidu masa:ne se bobogei ba:mu da defea.

⁶ Ilia huluane da gisi amo diasu figisu da:iya bugi dialebe agoai ba:mu da defea. Amo gisi da mae heda:le, hedolo biosa.

⁷ Dunu afae da amo gisi hame gagadosa amola gilisili la:gili hame gaguli ahoa.

⁸ Dunu afae da baligili ahoasea, amane hame sia:mu, “Hina Gode da dima hahawane dogolegele bagade imunu da defea! Ninia da Hina Gode Ea Dioba:le, dima hahawane dogolegele ganoma:ne sia:sa.”