Gesami Hea:su 127 - GODE EA SIA: IDA:IWANE GALA

Gode Ea Noga:idafa Hou amoma Nodosu

¹ Hina Gode da diasu hame gagui ganiaba, diasu gagui dunu ilia hawa: hamomu da hamedela:loba. Hina Gode da moilai bai bagade hame gaga:i ganiaba, sosodo aligisu dunu da udigili sosodo aligila:loba.

² Abuliba:le hahabedafa wa:legadole, bagadewane hawa: hamonana gasimogoa fawane bu golama:bela:? Bai Hina Gode Ea dogolegei fi dunu ilia da golai dialeawane, E da ilia ha:i manu amola labe liligi huluane ilima iaha.

³ Mano ilia da Hina Gode Ea hahawane dogolegele iasu liligi. E da nini hahawane ba:ma:ne, mano ninima iaha.

⁴ Nowa da ayeligiawane, dunu mano lalelegesea, amo dunu mano da dadi gagui dunuga ea dadi hodo gagui agoai ba:sa.

⁵ Nowa da amo dadi hodo bagohame gagusia, e da hahawane bagade gala. E da ea ha lai dunu amo fofada:su diasuga fofada:sea, ilia da ema hamedafa hasalasimu.