Gesami Hea:su 124 - GODE EA SIA: IDA:IWANE GALA

Gode da Ea Fi Dunuma Gaga:su Esala

¹ Hina Gode da ninimagale hame fidisu ganiaba, ninia da adi hamona:nobela:? Isala:ili fi! Dabe adole ima!

^2-3 Nini ha lai dunu da ninima doagala:beba:le, Hina Gode da ninimagale hame gegei ganiaba, ninia ha lai dunu da ougi bagadeba:le, nini esalumuna:wane mogo sala:loba.

^4-5 Amola hano fili gala:le, nini mini ahoa:noba amola hano da nini dedebola:loba, nini da mogososone gela da:loba.

⁶ Hina Gode da ninima ha lai dunuga nini gugunufinisisa:besa:le, Ilia logo hedofaiba:le, Ema nodomu da defea.

⁷ Ninia da sio sanisu dunu ea sani amoga dasa:besa:le hobeasa, amo defele ninia hobea:i. Sani da gadelale sa:iba:le, ninia da halegale lala.

⁸ Nini fidisu da Hina Gode, mu amola osobo bagade hahamosu dunu, Emadini maha.