Gesami Hea:su 12 - GODE EA SIA: IDA:IWANE GALA

Fidima:ne Sia:ne Gadosu

¹ Hina Gode! Nini fidima! Guiguda: da noga:i dunu hamedafa esala. Amola moloidafa dunu agoai hamedafa ba:sa.

² Dunu enoma enoma ogogosu bagade hamosu. Dunu enoma enoma sefe sia: bagade sia: daha.

³ Hina Gode! Amo dunu ilia sefe sia: bagade hedofama. Gasa fi dunu ilia lafi ga:ma.

⁴ Ilia da gasa fili agoane sia:sa, “Ninia sia:ga fawane, ninia hanai lasa. Amola ninia adi sia: sia:musa: dawa:sea amo fawane sia:sa amola enoga agoane da hame gagabomu.”

⁵ Be Hina Gode da amane sia:sa, “Na da wali misunu. Bai hame gagui dunu da banenesi dagoi amola wadela:i dunu da gasa hame dunuma se iabeba:le, ilia da se nababeba:le, gogonomasa. Ilia da Na gaga:ma:ne hanaiba:le, Na da ouligimu.

⁶ Hina Gode Ea ilegele sia:i liligi, amo da dafawaneyale dawa:mu liligi. Ea ilegele sia:i liligi da fofoloi silifa agoane, amo da lalu bagade amo ganodini fesuale agoane gobei nenoai, fofoloi agoai.

^7-8 Wadela:i hamosu dunu da osobo bagade dedebosa. Dunu huluane da wadela:i hou amoma nodosa. Amo dunu da nini wadela:sa:besa:le, Hina Gode, Di fidila misa amola nini gaga:ma.