Gesami Hea:su 112 - GODE EA SIA: IDA:IWANE GALA

Dunu Noga:idafa da Hahawane Esalumu

¹ Hina Godema nodoma! Nowa da Hina Godema nodone dawa:sea amola Ea hamoma:ne sia:be amo hahawane noga:le hamosea, e da hahawane bagade gala.

² Noga:idafa dunu ea mano da Isala:ili soge ganodini gasa bagade ganumu. Amola egaga fifi mabe da hahawane ba:mu.

³ Ea sosogo fi da bagade gaguiwane ba:mu. Amola e da hahawane, bagade gaguiwane fifi ahoanumu.

⁴ Noga:idafa dunu (ilia da asigidafa amola moloidafa amola gogolema:ne olofosu dawa:), ilia da gasi ganodini esalea, hadigi ba:sa.

⁵ Nowa dunu da mae hihini eno dunuma fa:no lamusa: muni iasea, amola bidi lamusa: molole hawa: hamosea, e da hahawane gala.

⁶ Noga:idafa dunu da hamedafa dafamu. Amola eno dunu da ea hou hame gogolemu.

⁷ E da da:i diosu sia: nabasea, hame beda:sa. Bai ea dafawaneyale dawa:su hou da gasa bagade. Amola e da Hina Godema dafawaneyale dawa:sa.

⁸ E da da:i dione bagade hame dadawa:sa, amola hame beda:sa. E da dafawane ea ha lai dunu ili hasalasi dagoi ba:mu.

⁹ E da mae hihini hahani dunuma iaha. Ea dogolegei hou da hamedafa dafasa. E da gasa bagade amola mimogo dunu agoane esalumu.

¹⁰ Wadela:i hamosu dunu da amo hou ba:sea, ougisa. Ilia da higale ha:giwane sosodola aligili, alalolesisa. Ilia dafawane hamoma:beyale dawa:su ahoawane, bu hamedafa ba:ma:ne, asi dagoi ba:sa.