Gesami Hea:su 11 - GODE EA SIA: IDA:IWANE GALA

Hina Godema Gasa Gala Dafawaneyale Dawa:su

¹ Hina Gode da na ga:ma:ne, na da dafawaneyale dawa:sa. Di da abuliba:le gogolele nama agoane sia:sala:?, “Di sioga wa:le ahoabe agoane goumia masa.

² Bai wadela:i hamosu dunu ilia oulali amola ilia dadi amo dimagale amola dunu moloidafa gasimigi amoga lelebe gala:musa: amabela:?

³ Liligi huluane da mugulusia, dunu noga:i da hahamomu hamedei ba:sa, “Di da abuliba:le agoane sia:sala:?

⁴ Be Hina Gode da Ea Hadigi Debolo diasu ganodini esala. Amola Ea fafai fisu da Hebene amo ganodini diala. E da soge huluane ganodini, dunu fi huluane ba:lala. Amola ilia adi hamobeale, amo huluane dawa:lala.

⁵ E da noga:i dunu amola wadela:i hamosu dunu defele adoba:sa. Be E da wadela:i hame nabasu dunu amo bagadewane higasa.

⁶ E da wadela:i hamosu dunuma nenowai amola nenanebe salafa sanasisa. E da gia:i bagade fo amoga ilima se iaha.

⁷ Hina Gode Ea hou da moloidafa amola E da noga:i hou hamobe amoma asigisa. Nowa da amo hou hamosea, da Ea esalebe gadenene esalumu.