Fofagini Disu 3 - GODE EA SIA: IDA:IWANE GALA

Se Bidi Iasu, Godema Sinidigisu amola Hamoma:bela:le Dafawaneyale Dawa:su

¹ Na da Gode Ea se bidi iasu amo dawa:.

² E da na gasidafa ganodini, amoga sefasi.

³ E da mae asigiliwane, na bubulufalalu.

⁴ E da na hu fa:gini ale sasalili amalu na gasa fifili yolesi.

⁵ E da fedege agoane baligili se iasu diasu ganodini na ga:si.

⁶ E da na seseiba:le, na da gasi ganodini bogosu gaha agoai dialu.

⁷ E da na sia:inega lala:gi dagoi. Na da fedege agoane, se iasu diasu ganodini esala. Na da hobeamu gogoleidafa.

⁸ Na da na fidima:ne, Godema ha:giwane disa wele sia:sa. Be E da na wele sia:su nabimu higasa.

⁹ Na da emoga ahoasea, fefeloa ahoa. Na da habidili delegisia, gelega logo ga:su fawane ba:sa.

¹⁰ Hina Gode da nama doagala:musa:, ‘bea’ ohe agoai ouesalu. E da ‘laione’ wa:me ea hou defele, nama doagala:le, gagula dasu.

¹¹ E da na logo hamega ga sefasi. E da na da:i hodo gagadelale, dodosa:ne, na yolesi.

¹² E da Ea oulali dili, na gala:i.

¹³ E da na Ea dadiga, na da:igadafa gano gala:i.

¹⁴ Dunu ilia da hahabe asili daeya nama oufesega:sa. Ilia da nama lalasogole oufesega:sa.

¹⁵ Hina Gode da fedege agoane se nabasu fawane, ha:i manu amola hano defele nama moma:ne i.

¹⁶ E da na odagi osobo da:iya bugisili, geselalu. E da na bese gelega fifilisi.

¹⁷ Na da da:i dioiba:le olosa, amola olofosu amola hahawane hou gogolesa.

¹⁸ Na da fonobahadi fawane bu esalumu. Na Hina Gode da na fidima:bela:le dawa:su hame ba:sa.

¹⁹ Na da golasu hamedei amola se bagade nabala. Na da amo dawa:sea, amo da nama gamogai medosu hano nasu defele ba:sa.

²⁰ Na da na se nabasu amo mae fisili dawa:lala. Na a:silibu ganodini da:i dioi bagade nabala.

²¹ Be na da liligi afadafa dawa:sea, na dafawane hamoma:beyale dawa:su da bu nama maha.

²² Amo liligi da Hina Gode Ea da nama mae fisili, asigisa. Amola E da gogolema:ne olofosu dawa:.

²³ Ea asigidafa hou da hahabe nasegagi defele, amola eso ea mabe defele, hame yolesisa.

²⁴ Na da liligi eno hamedafa gala. Hina Gode Hifawane da na Fidisu Dunu. Amaiba:le, na da Ema fawane dafawaneyale dawa:sa.

²⁵ Hina Gode da nowa dunu amo da Ea hou dafawaneyale dawa:sea, lalegagusia, amo dunuma hahawane hamosa.

²⁶ Amaiba:le, ninia da Ea fidisu amola gaga:su lamusa:, gebewane mae momabone ouesalumu da defea.

²⁷ Amola amo hou ninia ayeligi amola afini eso amogainini dawa:mu da defea.

²⁸ Ninia da se nabasea, ninisu ouiya:le esalumu da defea.

²⁹ Ninia Hina Gode Ea sia: nabawane, begudumu da defea. Bai ninia da hobea misunu hou noga:idafa ba:ma:bela:le.

³⁰ Eno dunu da ninima fasea amola gadele sia:sea, ninia ouiya:le esalumu da defea.

³¹ Hina Gode da ninima gogolema:ne olofosu dialebeba:le, E da nini hamedafa fisiagamu.

³² E da eso enoga ninima da:i diosu iaha, be Ea ninima asigisu hou da dafawanedafa amola gasa bagade.

³³ E da da:i diosu amola se nabasu amo, Ea hanaiba:le ninima hame iaha.

³⁴ Ninia da se iasu diasu ganodini, da:i dioiwane esalea, Hina Gode da nini dawa:lala.

³⁵ -

³⁶ Hina Gode da osobo bagade dunu ilia moloidafa fofada:su hou hamoma:ne ilegei. Be ninia amo hou hamobe hame ba:sea, E da dawa:lala.

³⁷ Hina Gode Ea hanai hou fawane da didili hahamona ahoana.

³⁸ Hina Gode da logo doasibiba:le fawane, hou noga:i amola wadela:i ele defele doaga:sa.

³⁹ Ninia da wadela:i hou hamobeba:le, dawa:ma:ne se dabe iasu ba:sea, abuliga Godema egane sia:ma:bela:?

⁴⁰ Ninia da ninia hamobe hou ba:lalu, Godema sinidigila:di!

⁴¹ Ninia da ninia wadela:i hou hamoi Godema sisane fofada:nanu, noga:le amane sia:ne gadomu da defea.

⁴² “Ninia da wadela:le hamoi dagoi, amola Dima odoga:i. Amola Hina Gode! Di da ninia wadela:i hou hame gogolema:ne olofoi.

⁴³ Di da ninima sinidigili amola nini fane lelegei. Be Dia gogolema:ne olofosu hou amo da Dia ougi hou amoga dedeboi galu.

⁴⁴ Di da ninia sia:ne gadosu amo Dima mae doaga:ma:ne, Dia ougi hou da mu mobi agoane bagadedafa gadugagilisi.

⁴⁵ Di da nini osobo bagadega isu salasu agoane hamoi

⁴⁶ Ninima ha lai dunu huluane da ninima gadesa amola oufesega:sa.

⁴⁷ Ninima gugunufinisisu da doaga:i dagoi. Ninia da se nabasa:besa:le bebeda:iya esafulu.

⁴⁸ Na fi dunu ilima gugunufinisisu hou ba:beba:le, na si hano da hano defele dala.

⁴⁹ Na si hano da hame hasu hano agoane daleawane,

⁵⁰ Hina Gode da Hebene gadodili ninima ba:le gudusia, nini ba:sa.

⁵¹ Na da moilai bai bagade ganodini fi uda, amo ilima hamoi amo ba:sea, Na da dogo faga:sa.

⁵² Nama ha lai dunu ilia nama higabe da bai hame gala. Be dunu ilia da sio sanigebe defele, nama ha lai da na sa:ima:ne sani gei.

⁵³ Ilia da na esalumuna:wane uli gelaba sanasili, gelega gadodili ga:si.

⁵⁴ Na da gudu esaloba hano da na dedebomusa: heda:beba:le, na bogomu gadenebeyale dawa:i.

⁵⁵ Hina Gode! Na da uli dogoi gudu lela, na da Dima disa wele sia:i.

⁵⁶ Amola na da Dia fidima:ne dini iabe nabima:ne sia:beba:le, Di da na dibi nabi dagoi.

⁵⁷ Di da nama bu adole i, “Di mae beda:ma!”

⁵⁸ Di da na esalusu gaga:musa: misini, na esaloma:ne hamoi.

⁵⁹ Hina Gode! Di da na wadela:le hamoi amo Di dawa:. Dia fofada:nanu, na hou da moloidafa sia:ma.

⁶⁰ Dia dawa:! Nama ha lai dunu da na higale, amola na medomusa: wamo sia:daha.

⁶¹ Hina Gode! Ilia nama gadebe, amola na famusa: wamo sia:dabe, amo Dia dawa:.

⁶² Hahabe ganini asili gasia, ilia da na hou amoga ilegele sia:daha amola na famusa: wamo sia:daha.

⁶³ Hahabe ganini asili gasia, ilia da nama lalasogole oufesega:sa.

⁶⁴ Hina Gode! Ilia nama wadela:le hamobeba:le, ilima se dabe ima!

⁶⁵ Ilima gagabusu aligima:ne ilegema! Amola ili lobo hehealema:ne hamoma!

⁶⁶ Ili osobo bagadega mae esaloma:ne, gala:la bobogema!