UJoshuwa 12 - IBhayibhili Elingcwele LesiNdebele

Uluhlu Lwamakhosi Ehlulwayo

¹ La ngamakhosi amazwe anqotshwa ngabako-Israyeli njalo alezabelo ezathunjwa empumalanga yeJodani, kusukela eDongeni lwase-Arinoni kusiya entabeni yaseHemoni, okugoqela lonke icele langempumalanga ye-Arabha:

² USihoni inkosi yama-Amori, wayebusa eHeshibhoni. Wayebusa kusukela e-Aroweri emaphethelweni oDonga lwase-Arinoni, kusukela phakathi laphakathi kodonga kusiyafika emfuleni uJabhoki, oyiwo umngcele wama-Amoni. Lokhu kwakugoqela ingxenye yeGiliyadi.

³ Wayebusa njalo empumalanga ye-Arabha kusukela olwandle lweKhinerethi kusiyafika olwandle lwe-Arabha (uLwandle lweTswayi) kusiya eBhethi-Jeshimothi, eningizimu phansanyana kwemithezuko yasePhisiga:

⁴ Lelizwe lika-Ogi inkosi yaseBhashani, omunye wamaRefayi okucina owayebusa e-Ashitharothi le-Edreyi.

⁵ Wabusa eNtabeni yaseHemoni, eSalekha, iBhashani yonke kusiya emngceleni wabantu beGeshuri leMahakhathi, lengxenye yeGiliyadi kusiya emngceleni kaSihoni inkosi yeHeshibhoni.

⁶ UMosi inceku kaThixo, labako-Israyeli babanqoba. UMosi inceku kaThixo wanika ilizwe labo abakoRubheni labakoGadi lengxenye yesizwana sakoManase ukuthi libe ngelabo.

⁷ La yiwo amakhosi elizwe lelo uJoshuwa labako-Israyeli abalithumbayo eceleni elisentshonalanga yeJodani, kusukela eBhali-Gadi esiGodini seLebhanoni kusiya eNtabeni yeHalakhi ekhangele eSeyiri (amazwe abo uJoshuwa wawanika njengelifa ezizwaneni zako-Israyeli kusiya ngezigaba zezizwana zabo,

⁸ indawo elamaqaqa, amawatha asentshonalanga, i-Arabha, lemithezukweni yezintaba, inkangala leNegebi, amazwe amaHithi, ama-Amori, amaKhenani, amaPherizi, amaHivi, lamaJebusi): La ayengamakhosi:

⁹ inkosi yeJerikho, eyodwa inkosi ye-Ayi (eduze leBhetheli), eyodwa

¹⁰ inkosi yeJerusalema, eyodwa inkosi yeHebhroni, eyodwa

¹¹ inkosi yeJamuthi, eyodwa inkosi yeLakhishi, eyodwa

¹² inkosi ye-Egiloni, eyodwa inkosi yeGezeri, eyodwa

¹³ inkosi yeDebhiri, eyodwa inkosi yeBhethi-Gaderi, eyodwa

¹⁴ inkosi yeHoma, eyodwa inkosi ye-Aradi, eyodwa

¹⁵ inkosi yeLibhina, eyodwa inkosi ye-Adulami, eyodwa

¹⁶ inkosi yeMakheda, eyodwa inkosi yeBhetheli, eyodwa

¹⁷ inkosi yeThaphuwa, eyodwa inkosi yeHeferi, eyodwa

¹⁸ inkosi ye-Afekhi, eyodwa inkosi yeLasharoni, eyodwa

¹⁹ inkosi yeMadoni, eyodwa inkosi yeHazori, eyodwa

²⁰ inkosi yeShimron Meroni, eyodwa inkosi ye-Akhishafi, eyodwa

²¹ inkosi yeThanakhi, eyodwa inkosi yeMegido, eyodwa

²² inkosi yeKhedeshi, eyodwa inkosi yeJokhiniyamu eseKhameli, eyodwa

²³ inkosi yeDori (eNafothi Dori), eyodwa inkosi yeGoyimi eseGiligali, eyodwa

²⁴ inkosi yeThiza, eyodwa. Amakhosi angamatshumi amathathu lanye esewonke.