AmaHubo 85 - IBhayibhili Elingcwele LesiNdebele

Ihubo 85

Kumqondisi wokuhlabela. Elamadodana kaKhora. Ihubo.

¹ Ulithandile ilizwe lakho, Oh Thixo; uyibuyisile inhlanhla kaJakhobe.

² Wazithethelela iziphambeko zabantu bakho wazisibekela zonke izono zabo.

³ Walubuyisela eceleni lonke ulaka lwakho wakufulathela ukuthukuthela kwakho okwesabekayo.

⁴ Sivuselele njalo, Oh Nkulunkulu Msindisi wethu, ukubeke khatshana ukukucunula kwethu.

⁵ Uzasizondela kuze kube phakade na? Uzalugcina ulaka lwakho kuzozonke izizukulwane na?

⁶ Kawuzukusivuselela na, ukuze abantu bakho bathokoze kuwe?

⁷ Sitshengise uthando lwakho olungaphuthiyo, Oh Thixo, usinike insindiso yakho.

⁸ Ngizalalela lokho uNkulunkulu uThixo azakutsho; uthembisa abantu bakhe ukuthula, abangcwele bakhe kodwa kabangabuyeli ebufebeni babo.

⁹ Ngempela insindiso iseduze kulabo abamesabayo, ukuze inkazimulo yakhe ihlale elizweni lethu.

¹⁰ Uthando lokuthembeka kuyahlangana ndawonye; ukulunga lokuthula kuyangana.

¹¹ Ukuthembeka kuqhamuka emhlabathini, ukulunga kukhanya phansi kusezulwini.

¹² Ngeqiniso uThixo uzanika okulungileyo, lelizwe lethu lizathela isivuno salo.

¹³ Ukulunga kuhamba phambi kwakhe kulungisele izinyathelo zakhe indlela.