AmaHubo 8 - IBhayibhili Elingcwele LesiNdebele

Ihubo 8

Kumqondisi wokuhlabela. Ngendlela yegithithi. Ihubo likaDavida.

¹ Oh Thixo, Thixo wethu, ibizo lakho libabazeka kangaka emhlabeni wonke! Uyibekile inkazimulo yakho ngaphezulu emazulwini.

² Ukumisile ukudunyiswa yizindebe zabantwana lensane ngenxa yezitha zakho, ukuze uthulise isitha lomphindiseli.

³ Nxa nginakana ngamazulu akho, umsebenzi weminwe yakho, inyanga lezinkanyezi ozibeke endaweni yazo,

⁴ uyini umuntu osungaze uzihluphe ngaye na, indodana yomuntu ukuba uyinanze?

⁵ Wamenza waba mncinyazana kulezingilosi, wamethesa umqhele wodumo lobukhosi.

⁶ Wamenza umbusi phezu kwemisebenzi yezandla zakho; wabeka zonke izinto ngaphansi kwezinyawo zakhe:

⁷ yonke imihlambi yezimvu leyenkomo lezinyamazana zeganga,

⁸ izinyoni zasemkhathini lenhlanzi zolwandle, konke okuntsheza emanzini olwandle.

⁹ Oh Thixo, Thixo wethu, ibizo lakho libabazeka kangaka emhlabeni wonke!