AmaHubo 63 - IBhayibhili Elingcwele LesiNdebele

Ihubo 63

Ihubo likaDavida eseNkangala yakoJuda.

¹ Oh Nkulunkulu, unguNkulunkulu wami, ngiyakudinga ngitshiseka; umphefumulo wami uyakomela, umzimba wami uyakudinga, elizweni elomileyo eseligugile lapho okungelamanzi khona.

² Ngikubonile endlini Yakho engcwele ngawabona amandla Akho lenkazimulo Yakho.

³ Ngoba uthando Lwakho lungcono kulempilo, izindebe zami zizakutsho inkazimulo Yakho.

⁴ Ngizakudumisa kokuphela nxa ngisaphila, ngebizo lakho ngizaphakamisa izandla zami.

⁵ Umphefumulo wami uzasuthiswa ngokudla okuhle okuphilisayo; ngezindebe ezihlabelayo umlomo wami uzakudumisa.

⁶ Ngisembhedeni wami ngiyakhumbula; ngiyakukhumbula lanxa ngisemlindweni wasebusuku.

⁷ Ngoba ulusizo lwami, ngiyahlabelela ngisemthunzini wamaphiko Akho.

⁸ Umphefumulo wami unamathele Kuwe; isandla sakho sokunene siyangisekela.

⁹ Labo abazingela impilo yami bazabhujiswa; bazakwehlela phansi ekujuleni komhlabathi.

¹⁰ Bazakwabelwa ukudliwa yinkemba babe yikudla kwamakhanka.

¹¹ Kodwa inkosi izathokoza kuNkulunkulu; bonke abafunga ngebizo likaNkulunkulu bazamdumisa, ikanti imilomo yabaqamba amanga izathuliswa.