AmaHubo 6 - IBhayibhili Elingcwele LesiNdebele

Ihubo 6

Kumqondisi wokuhlabela. Ngeleziginci. Kulandelwa isheminithi. Ihubo likaDavida.

¹ Oh Thixo ungangikhalimeli ngolaka lwakho njalo ungangitshayi uthukuthele.

² Woba lomusa kimi, Thixo, ngoba ngiphela amandla; Oh Thixo, ngisilisa, ngoba amathambo ami alobuhlungu.

³ Umoya wami udabukile. Koze kube nini, Oh Thixo, koze kube nini?

⁴ Phenduka, Oh Thixo, ungikhulule; ngihlenga ngenxa yothando lwakho olungehlulekiyo.

⁵ Kakho okukhumbulayo nxa esefile. Ngubani okukhonzayo esengcwabeni lakhe?

⁶ Ngikhathele ngokububula; ubusuku bonke umbheda wami uba manzi te ngikhala umendlalo wami ngiwugcwalise ngezinyembezi.

⁷ Amehlo ami ayafiphala ngenxa yosizi; ayanqundeka ngenxa yazo zonke izitha zami.

⁸ Xekani kimi lina lonke elenza okubi, ngoba uThixo usekuzwile ukulila kwami.

⁹ UThixo usekuzwile ukukhala kwami ngicela umusa; UThixo uyawamukela umkhuleko wami.

¹⁰ Zonke izitha zami zizayangeka zidaniswe; zizatshibilika zibuyele emuva masinyane sezilehlazo.