AmaHubo 52 - IBhayibhili Elingcwele LesiNdebele

Ihubo 52

Kumqondisi wokuhlabela. Ihubo likaDavida. Lapho uDoyegi umʼEdomi wayeye kuSawuli wamtshela wathi, “UDavida uye wayangena endlini ka-Ahimeleki.”

¹ Kungani uncoma ngobubi, wena somandlase? Kungani utshona untela ilanga lonke, wena olihlazo emehlweni kaNkulunkulu?

² Ulimi lwakho luceba incithakalo; lunjengensingo eloliweyo, wena owenza inkohliso.

³ Uthanda ububi kulobuhle, amanga kulokukhuluma iqiniso.

⁴ Uyawathanda wonke amanga alimazayo, wena limi olukhohlisayo!

⁵ Ngeqiniso uNkulunkulu uzakwehlisela ukubhubha okungapheliyo: Uzakuhlwitha akukhuphe ethenteni lakho; uzakuquphula akususe elizweni labaphilayo.

⁶ Abalungileyo bazabona besabe; bazamhleka bathi,

⁷ “Nangu-ke manje umuntu lo ongenzanga uNkulunkulu inqaba yakhe kodwa wathemba inotho yakhe enkulu wakhula waba lamandla ngokuwisa abanye!”

⁸ Kodwa mina nginjengesihlahla se-oliva esikhula endlini kaNkulunkulu; ngithembe uthando lukaNkulunkulu olungaphuthiyo nini lanini.

⁹ Ngizakudumisa lanini ngalokho okwenzileyo; ngizathemba ebizweni lakho, ngoba lihle ibizo lakho. Ngizakudumisa phambi kwabangcwele bakho.