AmaHubo 46 - IBhayibhili Elingcwele LesiNdebele

Ihubo 46

Kumqondisi wokuhlabela. ElamaDodana kaKhora. Ingoma ngendlela ye-alamothi .

¹ UNkulunkulu uyisiphephelo sethu lamandla ethu, usizo oluhlezi lukhona nxa kulohlupho.

² Ngakho kangiyikwesaba, umhlaba ungaze ubhidlike lezintaba ziwele ekujuleni kolwandle,

³ loba amanzi alo ehlokoma agubhazele izintaba zivevezele ngokuqubuka kwalo.

⁴ Kukhona umfula ozifudlana zawo zithokozisa idolobho likaNkulunkulu, indawo engcwele okuhlala kuyo oPhezukonke.

⁵ UNkulunkulu ungaphakathi kwalo, kaliyikuwiswa; uNkulunkulu uzalisiza ngovivi lokusa.

⁶ Izizwe ziyahlokoma, imibuso iyachitheka; uphakamisa ilizwi lakhe umhlaba uncibilike.

⁷ UThixo uSomandla ulathi; uNkulunkulu kaJakhobe uyinqaba yethu.

⁸ Wozani libone imisebenzi kaThixo, incithakalo aseyenzile emhlabeni.

⁹ Uyathulisa izimpi kuze kube semikhawulweni yomhlaba; uyalephula idandili avadlaze lomkhonto, utshisa izinqola ngomlilo.

¹⁰ “Thulani, lazi ukuba mina nginguNkulunkulu; ngizaphakanyiswa phakathi kwezizwe; ngizaphakanyiswa emhlabeni.”

¹¹ UThixo uSomandla ulathi, uNkulunkulu kaJakhobe uyinqaba yethu.