AmaHubo 3 - IBhayibhili Elingcwele LesiNdebele

Ihubo 3

Ihubo likaDavida ebalekela indodana yakhe u-Abhisalomu.

¹ Oh Thixo banengi kangaka abayizitha zami! Banengi kangaka abangihlaselayo!

² Abanengi bathi ngami, “UNkulunkulu kayikumhlenga.”

³ Kodwa wena uyisihlangu sokungivikela, Oh, Thixo, inkazimulo yami, uphakamisa ikhanda lami.

⁴ Ngikhala kakhulu kuThixo uyangiphendula esentabeni yakhe engcwele.

⁵ Ngilala phansi ngijumeke; ngibuye ngiphaphame, ngoba uThixo uyangilondoloza.

⁶ Angiyikubesaba abangamatshumitshumi ezinkulungwane abangihlaselayo inxa zonke.

⁷ Phakama, awu Thixo Ngisindise, Oh Nkulunkulu wami. Zibethe zonke izitha zami emhlathini; akhumule amazinyo ababi.

⁸ KuThixo kuvela insindiso. Sengathi isibusiso Sakho singaba sebantwini Bakho.