AmaHubo 26 - IBhayibhili Elingcwele LesiNdebele

Ihubo 26

ElikaDavida.

¹ Veza ukungabi lacala kwami, Thixo, ngoba sengiphile impilo engelansolo; ngihlezi ngimethemba uThixo ngingaxhamandi.

² Ngilinga, Oh Thixo, ungizame, hlola inhliziyo yami lengqondo yami;

³ ngoba uthando Lwakho luhlezi luphambi kwami, njalo kokuphela ngihamba eqinisweni Lakho.

⁴ Kangidlelani labantu abakhohlisayo njalo kangiwelelani labazenzisi;

⁵ ngiyawenyanya umbuthano wezigangi; njalo ngiyala ukuhlala lezixhwali.

⁶ Ngigeza izandla zami ngokungelacala, bese ngilizungeza i-alithari Lakho, Oh Thixo,

⁷ ngimemezele ngamandla indumiso Yakho ngibatshele bonke ngemisebenzi Yakho eyisimanga.

⁸ Ngiyayithanda indlu ohlala kuyo, Oh Thixo, indawo lapho inkazimulo Yakho ehlala khona.

⁹ Ungamukisi umphefumulo wami ndawonye lowezoni, impilo yami kanye lalabo abomele igazi,

¹⁰ ozandla zabo zilamacebo amabi, ozandla zabo zokunene zifumbethe izivalamlomo.

¹¹ Kodwa mina ngiphila impilo engelasici; ngihlenga ube lesihawu kimi.

¹² Inyawo zami zimi emhlabathini ochayileyo; ngizamdumisa uThixo emhlanganweni omkhulu.