AmaHubo 16 - IBhayibhili Elingcwele LesiNdebele

Ihubo 16

Imikithamu kaDavida.

¹ Ngilondoloza, Oh Nkulunkulu, ngoba ngiphephela kuwe.

² Ngathi kuThixo, “UnguThixo wami; ngaphandle kwakho angilakho okuhle.”

³ Labo abangcwele abakhona elizweni bangabakhazimulayo engithokoza ngabo.

⁴ Labo abagijimela abanye onkulunkulu inhlupho zabo zizakwanda. Angiyi kuyithulula iminikelo yegazi kubonkulunkulu labo njalo amabizo abo kawayikuphuma kwezami izindebe.

⁵ Thixo, usungahlukanisele isabelo sami kanye lenkezo yami; konke okwami usukumise kuhle.

⁶ Imingcele yesabelo sami idabula ezindaweni ezibukekayo; ngeqiniso elami ilifa liyathokozisa.

⁷ Ngizamdumisa uThixo, onguye ongelulekayo; lasebusuku inhliziyo yami iyangiqondisa.

⁸ Ngikhangele kuThixo kokuphela. Njengoba esesandleni sami sokunene angiyi kunyikinywa.

⁹ Ngakho-ke inhliziyo yami iyathokoza lolimi lwami luyajabula; lomzimba wami uzaphumula uvikelekile,

¹⁰ ngoba kawuzukungiyekela ngize ngiye endaweni yabafileyo, njalo kawusoze wekele othembekileyo wakho ezwe ukubola.

¹¹ Usungazisile indlela yempilo; uzangigcwalisa ngokuthaba phambi kwakho, ngenjabulo engapheliyo kwesokunene sakho.