AmaHubo 15 - IBhayibhili Elingcwele LesiNdebele

Ihubo 15

Ihubo likaDavida.

¹ Thixo, ngubani ongahlala endlini yakho engcwele na? Ngubani ongahlala entabeni yakho engcwele na?

² Ngulowo okuhamba kwakhe kungelansolo njalo owenza okulungileyo, okhuluma iqiniso liphuma enhliziyweni yakhe,

³ ongachothoziyo ngolimi lwakhe, ongoneli umakhelwane wakhe futhi ongagconi umzalwane wakhe,

⁴ oweyisa umuntu oxhwalileyo kodwa ohlonipha labo abesaba uThixo, ogcina isifungo sakhe loba kubuhlungu ukwenzenjalo,

⁵ owebolekisa imali yakhe engadingi inzuzo njalo owalayo ukuthengwa ukuze kwetheswe umlandu kongelacala. Lowo owenza lezizinto akayikuzanyazanyiswa lanini.