AmaHubo 130 - IBhayibhili Elingcwele LesiNdebele

Ihubo 130

Ingoma yemiqanso.

¹ Ngingaphansi ekujuleni ngiyakhala kuwe, Thixo;

² Thixo, zwana ilizwi lami. Indlebe zakho kazilalele ukukhala kwami ngicela umusa.

³ Aluba wena, Thixo ububhala phansi zonke izono, ngubani ongema na Nkosi?

⁴ Kodwa kuwe kulentethelelo; ngalokho uyesatshwa.

⁵ Ngiyamlindela uThixo, umphefumulo wami uyalinda, ngibeka ithemba lami elizwini lakho.

⁶ Umphefumulo wami ulindela uThixo okudlula abalindi bemelele ukusa, okudlula abalindi bemelele ukusa.

⁷ We Israyeli, beka ithemba lakho kuThixo, ngoba kuye uThixo kulothando olungaphuthiyo njalo kuye kulensindiso epheleleyo.

⁸ Yena ngokwakhe uzahlenga u-Israyeli kuzozonke izono zabo.