AmaHubo 12 - IBhayibhili Elingcwele LesiNdebele

Ihubo 12

Kumqondisi wokuhlabela. Ngendlela yesheminithi. Ihubo likaDavida.

¹ Siza Thixo, ngoba kabasekho abakholwayo; abathembekileyo sebenyamalele kabasekho ebantwini.

² Bonke baqamba amanga kubomakhelwane babo; izindebe zabo eziyengayo zihlezi zikhuluma inkohliso esezinhliziyweni zabo.

³ Sengathi uThixo angaziquma zonke izindebe ezikhohlisayo kanye laluphi ulimi oluzikhukhumezayo

⁴ oluthi, “Sizanqoba ngendimi zethu; izindebe zethu zizasilwela ngubani oyinkosi yethu na?”

⁵ “Ngenxa yokuncindezelwa kwabayanga lokububula kwabaswelayo, sengizavuka khathesi,” kutsho uThixo. “Ngizabavikela kulabo ababachukuluzayo.”

⁶ Njalo amazwi kaThixo amsulwa, njengesiliva esicengwe esithandweni somlilo esebumba, njengegolide elihlanjululwe kasikhombisa.

⁷ Oh Thixo, uzahlala usiphephisile njalo usivikele ebantwini ababi nini lanini.

⁸ Ababi bayaklamasa santando nxa bebona izinto ezilihlazo zidunyiswa ngabantu.