AmaHubo 111 - IBhayibhili Elingcwele LesiNdebele

Ihubo 111

¹ Dumisani uThixo. Ngizambabaza uThixo ngenhliziyo yami yonke enkundleni yabaqotho lasemhlanganweni.

² Mikhulu imisebenzi kaThixo; isemicabangweni yabo bonke abathokoza ngayo.

³ Zilenkazimulo lobukhosi izenzo zakhe, lokulunga Kwakhe kumi kuze kube laphakade.

⁴ Wenzile ukuthi izimanga zakhe zikhunjulwe; uThixo ulomusa lesihawu.

⁵ Uyabapha ukudla labo abamesabayo; uyasikhumbula isivumelwano Sakhe lanini.

⁶ Ubatshengisile abantu bakhe amandla emisebenzi yakhe, ngokubapha amazwe ezinye izizwe.

⁷ Imisebenzi yezandla zakhe ithembekile, ilungile; zonke iziqondiso zakhe ziyathembeka.

⁸ Zimi kaziguquki nini lanini, zenziwa ngeqiniso langobuqotho.

⁹ Wathumela abantu bakhe insindiso; wasingcwelisa isivumelwano Sakhe okwanininini lingcwele liyesabeka ibizo lakhe.

¹⁰ Ukumesaba uThixo kuyikuqala kwenhlakanipho bonke abalandela iziqondiso zakhe balokuzwisisa okuhle. Kungokwakhe ukudunyiswa kwaphakade.